សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ កម្លាំងការិយាល័យប្រឆាំងគ្រឿងញៀនខេត្តឧត្តរមានជ័យ នៅរសៀលថ្ងៃទី២២ ខែមករា ឆ្នាំ២០២១ នេះបន្ទាប់ទទួលបទបញ្ជាពីលោកស្នងការរងទទួលផែនបទល្មើសគ្រឿងញៀន និងដឹកនាំដោយលោកវរសេនីយ៍ទោ រ៉ឹត សុខា នាយការិយាល័យ និង មានការចូលរួមសហការពីកម្លាំងវរៈសេនាតូចការពារព្រំដែន ៩០៥ ផងបានចុះបង្ក្រាប ករណីជួញដូរ រក្សាទុក និងប្រើប្រាស់នូវសារធាតុគ្រឿងញៀន ខុសច្បាប់មួយករណី។
ក្នុងការបង្ក្រាបនេះសមត្ថកិច្ច បានឃាត់ខ្លួនជនសង្ស័យចំនួន៤នាក់ ស្ថិតក្នុងភូមិរហាល ឃុំលំទង ស្រុកអន្លង់វែង ខេត្តឧត្តរមានជ័យ និងរឹបអូសថ្នាំញៀនមួយចំនួន។
សមត្ថកិច្ចបានឲ្យដឹងថាជនសង្ស័យទី១ ឈ្មោះ អ៊ុង ដារ៉ា ភេទប្រុស អាយុ ២៤ឆ្នាំ រស់នៅភូមិរហាល ឃុំលំទង ស្រុកអន្លង់វែង ខេត្តឧត្តរមានជ័យ មុខរបរជាងឈើ ត្រូវឃាត់ខ្លួន ម្ចាស់ផ្ទះ(អ្នកចែកចាយ) ។
ជនសង្ស័យទី២ ឈ្មោះ វ៉ុន ចាម ភេទប្រុស អាយុ ២១ឆ្នាំ រស់នៅភូមិរហាល ឃុំលំទង ស្រុកអន្លង់វែង ខេត្តឧត្តរមានជ័យមុខរបរជាងឈើ( ប្រើប្រាស់)។
ជនសង្ស័យទី៣ឈ្មោះ សាន្ត សំណាង ភេទប្រុស អាយុ២០ឆ្នាំ រស់ភូមិរហាល ឃុំលំទង ស្រុកអន្លវែង ខេត្តឧត្តរមានជ័យ មុខរបរជាងឈើ ត្រូវឃាត់ខ្លួន (ប្រើប្រាស់)។
ជនសង្ស័យទី៤ឈ្មោះ សួន ម៉ាំង ភេទប្រុស អាយុ ១៦ ឆ្នាំ រស់នៅភូមិរហាល ឃុំលំទង ស្រុកអន្លង់វែង ខេត្តឧត្តរមានជ័យ( ប្រើប្រាស់ ) ។
រីឯវត្ថុតាងបទល្មើសដែលត្រូវដកហូតបានរួមមាន ថ្នាំញៀនប្រភេទមេតំហ្វេតាមីន (ICE) ហៅម៉ាទឹកកក ចំនួន ៤៣កញ្ចប់តូច បំពង់ទុយយោតូច០១កញ្ចប់ ទូរសព្ទ័ដៃចំនួន ០១គ្រឿង រួមទាំងសម្ភារសម្រាប់វេចខ្ចប់ ប្រើប្រាស់គ្រឿងញៀនមួយចំនួន ។
ក្នុងករណីខាងលើនេះ កម្លាំងការិយាល័យជំជំនាញរបស់ខេត្តកំពុងកសាងសំណុំរឿងតាមនីតិវិធីបញ្ជូនជនសង្ស័យទាំង៤នាក់និងវត្ថុតាងដែលរឹបអូសបានបញ្ជូនទៅសាលាដំបូងខេត្តចាត់ការតាមច្បាប់ ៕ដោយ៖ប្រាថ្នា
