សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ការិយាល័យប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលក្រុងស្វាយរៀង និងកម្លាំងអធិការដ្ឋាននគរបាលក្រុងបាវិត បានចុះបង្ក្រាបករណីជួញដូរគ្រឿងញៀន ចំនួន ០២ កន្លែង និងឃាត់ខ្លួនមនុស្សបានចំនួន៦ នាក់ បន្ថែមទៀត សរុប១៣នាក់ ដោយដកហូតបានវត្ថុតាងមួយចំនួន ។
ការប្រតិបត្តិការណ៍ចុះបង្ក្រាបនេះ ធ្វើឡើងនៅថ្ងៃទី២៤ ខែសីហា ឆ្នាំ២០១៦ ស្ថិតក្នុងក្រុងបាវិត ខេត្តស្វាយរៀង ។
សមត្ថកិច្ចបានឲ្យដឹងថា ពាក់ព័ន្ធករណីនេះ បានដកហូតវត្ថុតាងរួមមានថ្នាំម្សៅក្រាមពណ៌ស ប្រភេទ ម៉េតុំហ្វេតាមីន ចំនួន២ កញ្ចប់ធំ និង២២ កញ្ចប់តូច ម៉ូតូចំនួន ០៦ គ្រឿង រថយន្ត១ គ្រឿង នាឡិកាដៃ ១ គ្រឿង កំបិតសាំម៉ូរ៉ៃចំនួន២ដើម កំបិតខ្លីចំនួន១ដើម និងសម្ភារប្រើសប្រាស់គ្រឿងញៀន មួយចំនួនទៀត ។
ជនសង្ស័យទាំង១៣នាក់ មានឈ្មោះ ទាវ ណារ័ត្ន ភេទ ប្រុស អាយុ ១៨ ឆ្នាំ នៅភូមិ ស្វាយ សង្កាត់ ចេក ក្រុងស្វាយរៀង ឈ្មោះ ភឿក សានី ភេទ ប្រុស អាយុ ៣៣ ឆ្នាំ នៅភូមិតាពៅ សង្កាត់ បាវិត ក្រុង បាវិតឈ្មោះ អ៊ុក កុសល ភេទ ប្រុស អាយុ ២២ ឆ្នាំ នៅភូមិតាពៅ សង្កាត់ បាវិត ក្រុង បាវិតឈ្មោះ សុខ ម៉ាប់ ភេទ ប្រុស អាយុ ៣៤ ឆ្នាំ នៅភូមិតាពៅ សង្កាត់ បាវិត ក្រុង បាវិតឈ្មោះ មាន សាត ភេទ ប្រុស អាយុ ២៩ ឆ្នាំ នៅភូមិទួលស្តី ឃុំ ទួលស្តី ស្រុកចន្ទ្រាជាមុខសញ្ញាជូញដូរគ្រឿងញៀន រីឯ ឈ្មោះ ព្រំ ចំរើន ភេទ ប្រុស អាយុ ១៧ ឆ្នាំ នៅភូមិវាលយន្ត សង្កាត់ ស្វាយរៀង ក្រុងស្វាយរៀងឈ្មោះ សៅ ពៅ ភេទ ប្រុស អាយុ ១៧ ឆ្នាំ នៅភូមិ ស្វាយ សង្កាត់ ចេក ក្រុងស្វាយរៀងឈ្មោះ សុខ ផានិត ភេទ ប្រុស អាយុ ១៧ ឆ្នាំ នៅភូមិ ព្រៃឆ្លាក់ សង្កាត់ព្រៃឆ្លាក់ ក្រុងស្វាយរៀងឈ្មោះ កែន កា ភេទ ប្រុស អាយុ ២៩ ឆ្នាំ នៅភូមិតាពៅ សង្កាត់ បាវិត ក្រុង បាវិតឈ្មោះ សុខ ម៉េង ភេទ ប្រុស អាយុ ៤៤ ឆ្នាំ នៅសង្កាត់បឹងប្រលិត ខ័ណ្ឌ ៧មករាឈ្មោះ លី វុត្ថា ភេទ ប្រុស អាយុ ៤៣ ឆ្នាំ នៅសង្កាត់បឹងកេងកង៣ ខ័ណ្ឌចំការមនឈ្មោះ ថាច់ ឧត្តមវិសាល ភេទប្រុស អាយុ ១៩ ឆ្នាំ នៅភូមិថ្មី ឃុំក្រឡា ស្រុកកំពង់សៀម ខេត្តកំពង់ឆ្នាំងឈ្មោះ អ៊ុច កុសល ភេទ ប្រុស អាយុ ២៤ ឆ្នាំ នៅភូមិតាពៅ សង្កាត់ បាវិត ក្រុង បាវិត។
ជនសង្ស័យទាំង ១៣ នាក់ ត្រូវបានសមត្ថកិច្ចនគរបាលការិយាល័យប្រឆាំងគ្រឿងញៀន បង្កសំណុំរឿងបញ្ជូនទៅតុលាការចាត់ការតាមផ្លូវច្បាប់ ៕ យឹម សុថាន
សូមអានបន្ត ៖ ជនសង្ស័យគាស់ផ្ទះយកម៉ូតូ២គ្រឿង៤ថ្ងៃត្រូវនគរបាលឃាត់ខ្លួន៣នាក់ ពីបទលួចមានស្ថានទម្ងន់ទោស
