សារព័ត៌មាន នគរវត្ត តែងតែនាំមុខគេជានិច្ច
ខេត្ដសៀមរាប៖ មជ្ឈមណ្ឌលនាឡិកាស និងជប៉ុន បានសហការជាមួយផ្សារទំនើបឡាក់គីម៉ល ចាប់រង្វាន់នាឡិកាទំនើប៤គ្រឿង ដែលមានគុណភាពពិសេសនិងល្បីនៅលើពីភពលោក ដើម្បីលើកទឹកចិត្ដដល់អតិថិជនក្នុងពិធីគម្រប់ខួប៨ឆ្នាំ របស់ផ្សារទំនើប Lucky Mall នៅខេត្ដសៀមរាប កាលពីល្ងាចថ្ងៃទី២៨ ខែសីហា ឆ្នាំ២០១៦ កន្លងមកនេះ ។
នាឡិកាដែលចាប់រង្វាន់លើកទឹកចិត្ដដល់អថិជននៅផ្សាទំនើបនេះ មានម៉ាកទំនើបៗ ដូចជា នាឡិកាម៉ាក G-SHOCK មួយគ្រឿងនាឡិកាម៉ាក BABY-G មួយគ្រឿង និងម៉ាក CITIZEN ចំនួនពីរគ្រឿង ។
លោក ប្រធានទីផ្សារផ្នែកលក់នៃមជ្ឈមណ្ឌលនាឡិកាស្វីស និងជប៉ុន បានឲ្យដឹងថា នាឡិកាទំនើបទាំង៤គ្រឿងនេះ លោកបានផ្ដល់ដល់ផ្សារឡាក់គីម៉ល ដើម្បីផ្ដល់ការចាប់រង្វាន់ លើកទឹកចិត្ដដល់អថិតិជនផ្សារឡាក់គីម៉ល និងអតិថិជនដែលបានប្រើប្រាស់នាឡិកាទំនើបដែលកំពុងមានទីផ្សារនៅទូទាំងប្រទេសកម្ពុជា ក្នុងនោះក៏មាននៅផ្សារទំនើបឡាក់គីម៉លខេត្ដសៀមរាបផងដែរ ។
លោកបានបន្ដថា នាឡិកាទំនើបៗទាំងនោះបាននាំចូលពីប្រទេសស្វីស និងប្រទេសជប៉ុន មានគុណភាពខ្ពស់ ដែលមានអតិថិជនប្រើប្រាស់បានកើនឡើងពីមួយឆ្នាំទៅមួយ ។ ការចាប់រង្វាន់នាឡិកាទំនើបនេះ មិនមែនជាក្លែងបន្លំ ឬភូតកុហកអតិថិជននោះទេ គឺជារង្វាន់នាឡិកាពិតប្រាកដ ៕ ជានិរន្ដរ៍
