វៀតណាម១៩នាក់ ត្រូវនគរបាលអន្តោប្រវេសន៍ឃាត់ខ្លួននៅតាមហាងម៉ាស្សាធ្វើសក់ កាត់ក្រចក នៅម្តុំផ្សារថ្មី

ភ្នំពេញ៖ យ៉ាងតិចមានជនអន្តោប្រវេសន៍ជាជនជាតិវៀតណាមប្រុស ស្រីចំនួន១៩នាក់ ត្រូវបាននគរបាលអន្តោប្រវេសន៍ នៃនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ឃាត់ខ្លួន កាលពីរសៀលថ្ងៃទី២ ខែកញ្ញា ឆ្នាំ២០១៦ នៅទីតាំងតាមហាងកាត់សក់ ធ្វើក្រចក នៅខាងលិចផ្សារថ្មី ផ្លូវ១២៨ សង្កាត់ផ្សារថ្មី២ ខណ្ឌដូនពេញ ។

ប្រតិបត្តិការនេះដឹកនាំដោយលោកឧត្តមសេនីយ៍ទោ អ៊ុក ហៃសីលា ប្រធាននាយកដ្ឋានស៊ើបអង្កេត និងអនុវត្តនីតិវិធី, លោក សៀង សុខ ប្រជាអាជ្ញារង នៃអយ្យការអមសាលាដំបូងរាជធានីភ្នំពេញ។