មុនអញ្ជើញចេញដំណើរវិលត្រឡប់មកកាន់ប្រទេសកម្ពុជាវិញ សម្តេចតេជោ ហ៊ុន សែនបានអញ្ជើញចូលរួមជាអធិបតីបើកវេទិកាពាណិជ្ជកម្ម និងវិនិយោគកម្ពុជា-ចិនលើកទី១

ប្រទេសចិន៖ នៅព្រឹកថ្ងៃទី ១២ ខែកញ្ញា  មុនអញ្ជើញចេញដំណើរវិលត្រឡប់មកកាន់ប្រទេសកម្ពុជាវិញ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញចូលរួមជាអធិបតីបើកវេទិកាពាណិជ្ជកម្ម និងវិនិយោគកម្ពុជា-ចិនលើកទី១ នៅសណ្ឋាគារ Wanda Vista ក្នុងទីក្រុងណាននីញ ខេត្តក្វាងស៊ី ប្រទេសចិន។ ក្នុងនោះគឺមានមន្រ្តីសំខាន់ៗរបស់ប្រទេសចិនចូលរួមផងដែរដូចជា លោក Peng Quing Hua លេខាធិការគណៈកម្មាធិការបក្ស CPC តំបន់ស្វ័យ័តក្វាងស៊ី លោក Ning Jizhe អនុប្រធាន និង លោក Cao Wenlian ប្រធានមជ្ឈមណ្ឌលសហប្រតិបត្តិការអន្តរជាតិនៃគណៈកម្មការអភិវឌ្ឍន៍ និងកំណែទម្រង់ជាតិប្រទេសចិន ព្រមទាំងតំណាងក្រុមហ៊ុនឯកជនចិនជាច្រើនរយនាក់ និងមន្រ្តីមកពីក្រសួងសំខាន់ៗមួយចំនួននៃរាជរដ្ឋាភិបាលកម្ពុជា ព្រមទាំងពាណិជ្ជករមកពីសភាពាណិជ្ជកម្មកម្ពុជាក៏បានចូលរួមផងដែរ។