សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ បុរសម្នាក់បានជិះម៉ូតូមួយគ្រឿងក្នុងស្ថានភាពស្រវឹង លុះទៅដល់ចំណុចផ្លូវកោងបានជ្រុលចង្កូតធ្លាក់ចូលលូបណ្តាលឲ្យរងរបួសធ្ងន់ ហើយត្រូវបញ្ជូនទៅកាន់មន្ទីរពេទ្យ ។
ហេតុការណ៍នេះ បានកើតឡើងកាលពីវេលាម៉ោង៨និង៤០នាទីយប់ ថ្ងៃទី២៧ ខែកញ្ញា ឆ្នាំ២០១៦ ស្ថិតនៅខាងលិចស្ពានស្ទឹងភូមិទំនប់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
សមត្ថកិច្ចឲ្យដឹងថា ជនរងគ្រោះ ឈ្មោះ ព្រំ ហុន ភេទប្រុស អាយុ២១ឆ្នាំ មុខរបរធ្វើចំការ រស់នៅភូមិភ្នំស្ពង់ ឃុំសាលាក្រៅ ស្រុកសាលាក្រៅ ខេត្តប៉ៃលិន បានរងរបួសធ្ងន់ បែកមាត់ បែកក្បាល និងរយៈមុខហើម រលាត់ដៃជើង កំពុងសម្រាកនៅ មន្ទីរពេទ្យបង្អែកខេត្តប៉ៃលិន ៕ ស សារ៉េត
