សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ជនសង្ស័យពីរនាក់ត្រូវបានសមត្ថកិច្ចឃាត់ខ្លួន កាលវេលាម៉ោង១០និង១០នាទីយប់ថ្ងៃទី៤ ខែ តុលា ឆ្នាំ ២០១៦ នៅតាមបណ្តោយផ្លូវបេតុងជាប់សួនរោងចក្រដំបូលខៀវភូមិត្រពាំងថ្លឹងសង្កាត់ចោមចៅខណ្ឌពោធិ៍សែនជ័យពីបទរក្សាទុកដាវសាមូរ៉ៃនិងងសេពគ្រឿងញៀន ។
ជនសង្ស័យទី១ឈ្មោះហួតហមភេទប្រុសអាយុ២៦ឆ្នាំមុខរបរសន្តិសុខស្នាក់នៅភូមិទួលពង្រសង្កាត់ ចោមចៅ ខណ្ឌពោធិសែនជ័យមានស្រុកកំណើតនៅស្រុកកំពង់ត្រឡាចខេត្តកំពង់ឆ្នាំង និង ទី២-ឈ្មោះ សំ រដ្ឋា អាយុ២១ ឆ្នាំមុខរបរកម្មកររោងចក្រស្នាក់នៅភូមិត្រពាំងថ្លឹង សង្កាត់ចោមចៅខណ្ឌពោធិ៍សេនជ័យមានស្រុកកំណើតនៅភូមិត្រពាំងថ្លាន់ឃុំ ឧបត្ថម្ភសូរិយាស្រុកត្រាំកក់ខេត្តតាកែវ។
តាមប្រភពព័ត៌មានពីសមត្ថកិច្ចបានឲ្យដឹងថាមុនពេលកើតហេតុកម្លាំងសមត្ថកិច្ចមូលដ្ឋានបានចុះល្បាតក្នុងខណ្ឌពោធិសែនជ័យហើយបានប្រទះឃើញជនសង្ស័យខាងលើមានស្ពាយសាក់កាដូមួយហើយមានការសង្ស័យក៏ហៅមកសាកសួរនឹងឆែកមើលនូវសម្ភារក្នុងសាក់កាដូ ក៏ឃើញមានដាវសាមូរ៉ៃកែច្នៃមួយដើមនៅជាប់នឹងខ្លួន។
តាមប្រភពព័ត៌មានពីអ្នករត់ម៉ូតូឌុបម្នាក់បាននិយាយថារូបគាត់បានឌុប ជនសង្ស័យទាំងពីរនាក់នេះពីម្តុំពេទ្យលោកសង្ឃទៅទួលពង្រ សង្កាត់ចោមចៅខណ្ឌពោធិ៍សេនជ័យហើយដោយស្ងាត់ពេកមិនហានទៅដល់គោលដៅក៏ដឹកដាក់ជិតកន្លែងកើតហេតុតែម្តង។
តាមប្រភពព័ត៌មានពីជនសង្ស័យឈ្មោះ ហួត ហម ជាអ្នកកាន់ដាវបាននិយាយថាររូបគាត់ទើបមកពីជក់ថ្នាំញៀន នៅភូមិបឹងឈូក សង្កាត់ទឹកថ្លា ម្តុំមុខមន្ទីរពេទ្យព្រះកុសុមៈដោយមានគ្នា២ នាក់ដែលជាមិត្តមិន ទាន់ស្គាល់ច្បាស់ម្នាក់ហើយដោយមិនមានលុយឲ្យម៉ូតូឌុបទើបមិត្តភក្តិដែលមិនស្គាល់នោះបានយក ទូរស័ព្ទរបស់ខ្លួនយកទៅបញ្ចាំបាត់មិនឃើញត្រទ្បប់មកវិញទេ។ កន្លងមករូបគេ ធ្លាប់ជក់ថ្នាំញៀនជាង៤ឆ្នាំ ហើយ ចំណែក ឈ្មោះសំ រដ្ឋាមិនមែនជាមិត្តខ្លួនទេ គឺជាអ្នកទើបស្គាល់គ្នាថ្មីៗនេះឯង ។
ក្រោយពេលកើតហេតុជនសង្ស័យទាំងពីរនាក់ត្រូវបានសមត្ថកិច្ចនគរបាលប៉ុស្តិ៍ចោមចៅ កសាងសំណុំរឿងនិងងបញ្ជូនទៅព្រហ្មទណ្ឌខណ្ឌពោធិសែនជ័យដើម្បី ចាត់ការតាមច្បាប់៕ ប្រាថ្នា
