សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែតៈ ជនសង្ស័យម្នាក់ រួមជាមួយវត្ថុតាង ថ្នាំញៀន៣កញ្ចប់់ ត្រូវកម្លាំងអាវុធហត្ថក្រុងប៉ោយប៉ែតបង្ក្រាប បានកាលពីរសៀលថ្ងៃទី០៦ ខែតុលាឆ្នាំ២០១៦ នៅចំណុចភូមិគីឡូម៉ែត្រ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។
សមត្ថកិច្ចប្រាប់ថាៈ ជនសង្ស័យដែលពាក់ពន្ធ័គ្រឿងញៀននោះ មានឈ្មោះ គឹម តង ភេទប្រុសអាយុ២១ឆ្នាំ មុខរបរមិនប្រាកដ ស្នាក់នៅក្នុងភូមិកើតហេតុ ។
សមត្ថកិច្ចបញ្ជាក់ថាៈ នៅក្នុងការចុះបង្ក្រាបជនសង្ស័យខាងលើនោះដឹកនាំកម្លាំងដោយលោកជា ដាមេបញ្ជាការមូលដ្ឋានអាវុធហត្ថក្រុងប៉ោយប៉ែតរួមជាមួយកម្លាំងក្រោមឪវាទ ហើយក្នុងការបង្ក្រាបនោះដែរសមត្ថកិច្ចរឹបអូសវត្ថុតាងថ្នាំញៀនក្រាមពណ៌ស ប្រភេទខេទឹកកកចំនួន៣កូនថង់តូច ឧបករណ៍សំរាប់វិចខ្ចប់ចែកចាយមួយចំនួន ដាវសាំម៉ូរ៉ៃ១ដើម ទូរសព្ទដៃ២គ្រឿងម៉ាកសាំសុង០១ពណ៏ខ្មៅ ម៉ាកណូរគា០១ពណ៏ក្រហម ។
ជនសង្ស័យក្រោយពីឆែកឆេររួចរាល់ នឹងបញ្ជូនមកទៅក្នុងមូលដ្ឋានអាវុធហត្ថក្រុងប៉ោយប៉ែត ដើម្បីសាកសួរកសាងសំណុះរឿង ។
ជនសង្ស័យក្រោយពីកម្លាំងសមត្ថកិច្ចសាកសួរនៅកន្លែងអាវុធហត្ថក្រុងប៉ោយប៉ែត រួចរាល់គេបានឆ្លើយសារភាពថា ខ្លួនគេបានប្រព្រឹត្តជាបានប្រព្រឹត្តដូចពាក្យសមត្ថកិច្ចចោទប្រកាន់មែន ក្រោយពីការកសាងរួចរាល់ជនសង្ស័យបានកសាងសំណុំរឿងបញ្ជូនទៅទីបញ្ជាការកងអាវុធហត្ថខេត្តបន្ទាយមានជ័យដើម្បីចាត់ការតាមផ្លូវច្បាប់ ៕ វណ្ណា
