សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មំុ៖ ជនសង្ស័យចំនួន២នាក់ ត្រូវបានកម្លាំងអធិការនគរបាលក្រុងសួង ឃាត់ខ្លួនជាមួយវត្ថុតាងសង្ស័យជាសារធាតុញៀនមួយចំនួន ។
ការឃាត់ខ្លួនជនសង្ស័យខាងលើធ្វើឡើងកាលពីវេលាម៉ោង១៧ ថ្ងៃទី៧ ខែវិច្ឆិកា ឆ្នាំ២០១៦ នៅចំណុចភូមិតូង សង្កាត់_ក្រុងសួង ខេត្តត្បូងឃ្មុំ ។
លោកវរសេនីយ៍ត្រី ឈន សុ ធន អធិការនគរបាលក្រុងសួងបានឲ្យដឹងថា ជនសង្ស័យទី១ ឈ្មោះ ស៊ុន វណ្ណា ហៅ ខ្លា ភេទប្រុស អាយុ២៩ឆ្នាំ ទី២ ឈ្មោះ ឈាន គា ភេទប្រុស អាយុ២០ឆ្នាំ រស់នៅភូមិ_ឃំុកន្លែងចាប់ខ្លួនខាងលើ ។
លោកអធិការបន្តឲ្យដឹងថា ករណីនេះ កម្លាំងជំនាញ ដកហូតវត្ថុតាង ថ្នាំញៀន ចំនួន ៦កញ្ចប់ (កញ្ចប់ធំ ១ និងកញ្ចប់តូចចំនួន ៥) ជញ្ជីងថ្លឹងថ្នាំញៀនចំនួន ១គ្រឿង និងថង់វេចខ្ចប់មួយចំនួន ។
បច្ចុប្បន្នជនសង្ស័យ រួមនឹងវត្ថុតាងត្រូវបាននាំយកទៅកន្លែងអធិការដ្ឋានដើម្បីកសាងសំណំុរឿងបញ្ជូនទៅសាលាដំបូងចាត់ការតាមនិតិវិធី ៕ វណ្ណៈ
