សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ នៅវេលាម៉ោង២រសៀល ថ្ងៃទី៦ ខែវិច្ឆិកា ឆ្នាំ២០១៦នៅត្រង់ចំណុចវរសេនាតូចលេខ១ ស្ថិតនៅភូមិអូរកន្ទិល សង្កាត់បឹងកន្សែង ក្រុងបានលុង ខេត្តរតនគិរី សមត្ថកិច្ចបានបង្ក្រាបករណីគ្រឿងញៀនមួយករណី ដោយឃាត់ខ្លួនប្រុស ស្រី ៣នាក់ជាមុខសញ្ញា ពាក់ព័ន្ធ ។
សមត្ថកិច្ចមូលដ្ឋានបានបញ្ជាក់ថា ជនសង្ស័យទី១-ឈ្មោះសាន សុទ្ធ (ហៅងឺ)ភេទប្រុស អាយុ២៩ឆ្នាំ ជនជាតិខ្មែរ មុខរបរជាងឈើ ឃាត់ខ្លួនបទល្មើសប្រើប្រាស់សារធាតុញៀន ទី២-ឈ្មោះហួយ វណ្ណារា (ហៅបារាំង) ភេទប្រុស អាយុ៣៧ឆ្នាំ ជនជាតិខ្មែរ មុខរបរបើកបរបើកបររថយន្ត ឃាត់ខ្លួនបទល្មើសប្រើប្រាស់សារធាតុញៀន ទី៣-ឈ្មោះ ញឹម ស្រីម៉ុច ភេទស្រី អាយុ២២ឆ្នាំជនជាតិខ្មែរ ឃាត់ខ្លួនបទល្មើសប្រើប្រាស់ និងជួញដូរគ្រឿងញៀន ។
ប្រភពបន្តទៀតថា មុខសញ្ញាទាំ៣នាក់ខាងលើ មានទីលំនៅបច្ចុប្បន្នភូមិអូរកន្ទិល សង្កាត់បឹងកន្សែង ក្រុងបានលុង ខេត្តរតនគិរី ។
វត្ថុតាងរួមមានម្សៅក្រាមពណ៌សរ ថ្លា១ថង់ ទម្ងន់ស្មើនិង១.៣៣ក្រាម សង្ស័យជាសារធាតុញៀន និងទូរស័ព្ទដៃ២គ្រឿង ។
បច្ចុប្បន្នជនសង្ស័យទាំង៣នាក់ កំពុងឃាត់ខ្លួននៅការិយាល័យនគរបាលគ្រឿងញៀន នៃស្នងការដ្ឋាននគរបាលខេត្តរតនគិរីដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមផ្លូវច្បាប់ ៕ វុទ្ធឦសាន
