សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី: មានករណីគ្រោះថ្នាក់ចរាចរណ៍មួយកើតឡើងរវាងម៉ូតូនឹងគោយន្ត បណ្តាលឲ្យនាក់បើកបរម៉ូតូរងរបួសធ្ងន់បាក់ជើងខាងស្តាំ ។
ហេតុការណ៍ខាងលើនេះ បានកើតឡើងនៅវេលាម៉ោង១និង៥នាទីរសៀល ថ្ងៃទី២៨ ខែវិច្ឆិកា ឆ្នាំ២០១៦ នៅចំណុចមុខចំការកៅស៊ូ លោកជំទាវ គាត ស្ថិតនៅភូមិកាតែ ឃំុលំជ័រ ស្រុកអូរយ៉ាដាវ ខេត្តរតនគិរី ។
តាមការឲ្យដឹងពីសមត្ថកិច្ចមូលដ្ឋានបានឲ្យដឹងថា អ្នកបង្កបើកបរម៉ូតូម៉ាកsiruis ពណ៍ក្រហមលាយខ្មៅអត់ស្លាកលេខ មានឈ្មោះ រចំ ទន់ ភេទប្រុសអាយុ៣៨ឆ្នាំជនជាតិចារាយ(ជិះម្នាក់ឯង) មានទីលំនៅបច្ចុប្បន្ន ភូមិជ្រុងឃុំកក់ស្រុកបកែវខេត្តរតនគិរី រងរបួសធ្ងន់បាក់ជើងស្តាំ។
ចំណែកអ្នកបើកបរគោយន្តឈ្មោះ លន់ សុខជាតិ ភេទប្រុសអាយុ៣០ឆ្នាំជនជាតិខ្មែរ មានទីលំនៅភូមិ១ឃុំឡាមិញស្រុកបកែវខេត្តរតនគិរី។
ក្រោយកើតហេតុបានរត់គេចខ្លួនបាត់បន្សល់ទុកគោយន្តនៅនឹងកន្លែង។
បច្ចុប្បន្នខាងភាគីម៉ូតូត្រូវបានបងប្អូនដឹកបញ្ជូនទៅព្យាបាលនៅឯមន្ទីពេទ្យបង្អែកស្រុកបកែវ។ រីឯវត្ថុតាងទាំង២ត្រូវបានសមត្ថកិច្ចជំនាញយកមករក្សាទុកដើម្បីដោះស្រាយតាមផ្លូវច្បាប់ ៕ វុទ្ធឦសាន
