សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់រងរបួសធ្ងន់ ខណៈជិះម៉ូតូទៅបុក និងរថយន្តសាំយ៉ុង បើកស្របទិសគ្នាយ៉ាងពេញទំហឹង កាលពីវេលាម៉ោង២រសៀល ថ្ងៃទី១ ខែធ្នូ ឆ្នាំ២០១៦ នៅលើផ្លូវជាតិលេខ1 ចន្លោះគីឡូម៉ែត្រ ១៤២ និងលេខ១៤៣ ភូមិ ដើមពោធិ៍ ឃុំស្វាយតាយាន ស្រុកកំពង់រោទ៍ ខេត្តស្វាយរៀង ។
សមត្ថកិច្ចនគរបាលខេត្តស្វាយរៀង បានឲ្យដឹងថា បុរសដែលរងរបួសធ្ងន់ មានឈ្មោះ ហួយ ឡាំ អាយុ៥៤ឆ្នាំ មុខរបរកសិករ រស់កនក្នុងភូមិដើមពោធិ៍ ឃុំស្វាយតាយាន ស្រុកកំពង់រោទ៍ដោយបើកម៉ូតូម៉ាកហុងដាសេ១២៥ខូចខាតយ៉ាងដំណំ ។
សមត្ថកិច្ចបន្តថា មុនពេលកើតហេតុ មានរថយន្ត ម៉ាកសាំយ៉ុង ពណ៌ សំបកឥឡឹក ស្លាកលេខ ភ្នំពេញ 2AJ 3650 បើកបរដោយឈ្មោះ សុន ស៊ីឆាត ភេទប្រុស អាយុ 42 ឆ្នាំ មុខរបរ លក់ដូរ រស់នៅភូមិ រោងបន្លែ សង្កាត់ ស្វាយរៀង ក្រុងស្វាយរៀង ខេត្ត ស្វាយរៀង ទិសដៅពីលិច ទៅកើតឈប់ គ្មានរបួសស្នាម អ្នករួមដំណើរ 02នាក់ មានឈ្មោះ ពុត សុភាលី ភេទ ស្រី អាយុ 37ឆ្នាំ មុខរបរ លក់ដូរ រស់នៅភូមិឃុំជាមួយគ្នា និងក្មេងប្រុសឈ្មោះ សុន ផានិត អាយុ 03ឆ្នាំស្រាប់តែមានម៉ូតូម៉ាកហុងដាសេ125 សេរីឆ្នាំ2015 ពណ៌ ខ្មៅ ស្លាកលេខ ស្វាយរៀង 1H 1493 បើកបរដោយឈ្មោះ ហួយ ឡាំ ភេទ ប្រុស អាយុ 54 ឆ្នាំ មុខរបរ កសិករ រស់នៅភូមិ ដើមពោធិ៍ ឃុំ ស្វាយតាយាន ស្រុកកំពង់រោទ៍ ខេត្តស្វាយរៀង ធ្វើដំណើរស្របទិសគ្នាពីលិចទៅកើតយ៉ាងពេញទំហឹង បណ្ដាលឲ្យរងរបួសបែកក្បាលសន្លប់ និងកន្លែងហើយត្រូវបានសមត្ថកិច្ចដឹកមកកាន់មន្ទីពេទ្យបង្អែកជីភូក្រុងបាវិត។
សមត្ថកិច្ចបញ្ជាក់ថា មូលហេតុ ដោយសារអ្នកបើកបរម៉ូតូខ្វះការប្រុងប្រយ័ត្ន ទើបជួបករណីនេះកើតឡើង។ ចំណែកអ្នកបើករថយន្តក៏ត្រូវបានសមត្ថកិច្ចនាំមកសាកសួរធ្វើកំណត់ហេតុផងដែរ ។
រីឯមធ្យោបាយទាំងពីរគ្រឿង បានយកទៅរក្សាទុកនៅអធិការដ្ឋាននគរបាលស្រុកស្វាយទាប ចាត់ការតាមច្បាប់ ៕ យឹម សុថាន
