សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលខណ្ឌឫស្សីកែវ សហការជាមួយសមត្ថកិច្ចនគរបាលប៉ុសិ៍្ត និងប្រជាការពារសង្កាត់ឫស្សីកែវ បានខ្លួនជនង្ស័យម្នាក់ក្នុងករណី ជួញដូរគ្រឿងញៀនកាលពីវេលាម៉ោង ៣និង៣០នាទីរសៀល ថ្ងៃទី១៥ ខែធ្នូ ឆ្នាំ២០១៦ នៅមុខការាស់សាំង PTT តាមបណ្តោយផ្លូវជាតិលេខ៥ ក្រុម១៤ ភូមិផ្សារតូច សង្កាត់ទួលសង្កែ ខណ្ឌឬស្សីកែវ ។
ជនសង្ស័យមានឈ្មោះ ខន វណ្ណី ភេទប្រុស អាយុ ២៥ឆ្នាំ មុខរបរ មិនពិតប្រាកដ ស្នាក់នៅក្រុម១៤ ភូមិផ្សារតូច សង្កាត់ទួលសង្កែ ខណ្ឌឬស្សីកែវ ។
កែវ លោក តូច គីមសុង នាយប៉ុស្តិ៍នគរបាលឫស្សីបានឲ្យដឹងថា កន្លងមកជនសង្ស័យខាងលើនេះ ត្រូវបានកម្លាំងសមត្ថកិច្ចយើងធ្វើការ ស្រាវជ្រាវ និងតាមដានជាថ្ងៃមកហើយថាពួកគេជាមុខសញ្ញាជួញដូរថ្នាំញៀនយ៉ាងសកម្មនៅម្តុំផ្សារតូច និងស្ថានីយ៍សាំង ភីធីធី នៅម្តុំឫស្សីកែវនេះ។ លុះទើបតែពេលនេះ កម្លាំងសមត្ថកិច្ច យើងឃើញមុខសញ្ញាម្នាក់នេះកំពុងធ្វើដំណើរតាមបណ្តោយផ្លូវជាតិលេខ៥ ក្រុម១៤ ភូមិផ្សារតូច សង្កាត់ទួលសង្កែ ក៏តាមហៅឆែកឆេររកឃើញថ្នាំញៀនប្រភេទម្សៅក្រាមពណ៌ សថ្លា ចំនួន ១កញ្ចប់ ជាប្រភេទ ម៉ាទឹកកក និងនាំមកប៉ុស្តិ៍ ដើម្បីសាកសួរ ។
ប្រភពព័ត៌មានដដែលបានឲ្យដឹងទៀតថា ក្រោយពីសាកសួរជនសង្ស័យ ខាងលើរួចមក រូបគេបានសារភាពថា ខ្លួនពិតជាបានជួញដូរ និងចែកចាយគ្រឿងញៀននៅចំណុចទាំងពីរខាងលើពិតប្រាកដមែន ដោយក្នុងមួយកញ្ចប់រូបគេចំណាញបាន ១០០០០រៀល ហើយមុខរបរនេះ មានរយៈពេល ៥ឆ្នាំមកហើយ។
ជនសង្ស័យបានសារភាពទៀតថា ថ្នាំញៀនទាំងនេះគេទទួលយកពីជនម្នាក់ទៅចែកចាយ នៅម្តុំរោងចក្រឆ្នាំង ស្ថិតនៅក្នុងសង្កាត់បឹងកក់២ ខណ្ឌទួលគោកមកបែងចែកដាក់ក្នុងកញ្ចប់តូចៗ ដើម្បីយកទៅលក់ក្នុងតម្លៃ ១០០០០រៀលទៅ ២០០០០រៀលក្នុងមួយកញ្ចប់គ្រាន់បានប្រាក់ចំណេញចិញ្ចឹមជីវិត ។
បច្ចុប្បន្នជនសង្ស័យ រួមនឹងវត្ថុតាង ត្រូវសមត្ថកិច្ចកសាងសំណុំរឿង បញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនិតិវិធី៕ ប្រាថ្នា
