សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ ជនសង្ស័យម្នាក់ត្រូវបានសមត្ថកិច្ចធ្វើការឃាត់ខ្លួន បន្ទាប់ពីបានធ្វើសកម្មភាពចែកចាយ និង ប្រើប្រាស់គ្រឿងញៀន នៅផ្ទះរបស់ខ្លួន ស្ថិតនៅភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ។
ការបង្រ្កាបអ្នកចែកចាយ និង ប្រើប្រាស់គ្រឿងញៀន ធ្វើឡើងកាលពីវេលាម៉ោង៣និង៣០នាទី ថ្ងៃទី១៧ ខែមករា ឆ្នាំ២០១៧ ។
ជនសង្ស័យដែលសមត្ថកិច្ចឃាត់ខ្លួននេះមានឈ្មោះឡេ រ៉ាណេ ភេទប្រុសអាយុ២៩ឆ្នាំមានទីលំនៅភូមិកណ្ដាលសង្កាត់សង្កាត់កំពង់ឆ្នាំង ក្រុងកំពង់ឆ្នាំង ។
ក្នុងពេលឃាត់ខ្លួនសមត្ថកិច្ចបានធ្វើការដកហូតថ្នាំញៀន ប្រភេទម្សៅក្រាមពណ៌សថ្លា ចំនួន៤កញ្ចប់ និង ឧបករណ៍វេចខ្ចប់មួយចំនួនផងដែរ ។
សមត្ថកិច្ចបានអោយដឹងថា ជនសង្ស័យតែងតែបានធ្វើសកម្មភាពនេះជាញឹកញាប់ នៅក្នុងមូលដ្ឋាន នៅថ្ងៃដែលសមត្ថកិច្ចឃាត់ខ្លួននេះត្រូវបានប្រជាពលរដ្ឋរាយការណ៍មកសមត្ថកិច្ចថាជនសង្ស័យធ្វើសកម្មភាពប្រើប្រាស់នៅចំណុចខាងលើ ទើបដាក់កម្លាំងព័ទ្ធចាប់តែម្តង ។
ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅស្នងតុលាសាលាដំបូងខេត្ត ដើម្បីចាត់ការបន្តទៅតាមនីតិវិធី ៕ ចន្ថា
