សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ អគ្គិភ័យមួយកើតមានឡើង នៅព្រលឹមថ្ងៃទី១៨ ខែមករា ឆ្នាំ២០១៧ ក្នុងផ្ទះសំណាក់ឈ្មោះ «រិន ប៊ុនឡា» នៅមុខស្នងការនគរបាលខេត្តព្រះសីហនុ ស្ថិតនៅផ្លូវឯករាជ្យ ក្រុម១៧ ភូមិ២ សង្កាត់៣ ក្រុងព្រះសីហនុ។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានឲ្យដឹងថា ករណីគ្រោះអគ្គិភ័យនេះ ត្រូវបានកម្លាំងសមត្ថកិច្ចជួយទាន់ពេលវេលា ។
លោកស្នងការបញ្ជាក់ថា ម្ចាសផ្ទះសំណាក់ឈ្មោះ សឹង សារិន ភេទប្រុស អាយុ៦១ឆ្នាំ ហើយមូលហេតុមិនទាន់ដឹងច្បាស់នៅឡើយទេ ដោយកម្លាំងនគរបាលជំនាញស្រាវជ្រាវបន្ដ។ ដោយឡែក ការខូចខាតគឺសម្ភារៈប្រើប្រាស់ក្នុងបន្ទប់ទាំងអស់ ៕ ឆ្លាម សមុទ្រ
