សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ ជនជាតិចិនស្រវឹងស្រាជោក បានបើករថយន្តមួយគ្រឿងម៉ាកឡិចសុីសRX300ពណ៌ស្ករ បើកទៅបុកគូទរថយន្តឡិចសុីសRX330 ដែលឈប់ស្តុបហើយរុញទៅមុខបុករថយន្តមួយគ្រឿងទៀតម៉ាក RAV 4 បណ្តាលអោយខូចខាតខ្ទេចអស់មួយចំហៀងខាងឆ្វេង តែសំណាងល្អមិនមានបង្កឲ្យមានអ្នករងរបួស ។
ហេតុការណ៍នេះបង្កអោយការភ្ញាក់ផ្អើលកាលពីវេលាម៉ោង៩នឹង២៥នាទីយប់ថ្ងៃទី១៨ខែមករាឆ្នាំ២០១៧តាមបណ្តោយផ្លូវមុនីវង្សនៅចំណុចជិតធានាគារកាណាឌីយ៉ាល ស្ថិតនៅក្នុងសង្កាត់ផ្សារថ្មី២ ខណ្ឌដូនពេញ។
តាមប្រភពពត៌មានពីសាក្សីដែលឃើញហេតុការណ៍មុនពេលកើតហេតុគេបានឃើញបុរសម្នាក់ជាជនជាតិចិនស្រវឹងស្រាបើករថយន្តបង្កម៉ាកឡិចសុីសRX300ពណ៌ស្ករពាក់ស្លាក់លេខ ភ្នំពេញ 2M7001 បើកបរតាមបណ្តោយផ្លូវមុនីវង្សក្នុងទិសដៅពីត្បូងទៅជើងក្នុងល្បឿនយ៉ាងលឿនមិនបានមើលថាមានរថយន្ត២គ្រឿងមួយគ្រឿងម៉ាកឡិចសុីស330ពណ៌ទឹកប្រាក់ ពាក់ស្លាកលេខ ភ្នំពេញ 2AE6692 និងមួយគ្រឿងទៀតម៉ាកRAV 4ពណ៌ទឹកប្រាក់ពាក់ស្លាកលេខ ភ្នំពេញ 2AK1303 នៅពីមុខដែលកំពុងតែឈប់ស្តុប ក៏ត្រូវរថយន្តជនជាតិចិនបើកលឿន បុកគូទពីក្រោយចំពេញទំហឹងបណ្តាលអោយរថយន្តឡិចសុីស៣៣០រុញទៅផ្ទុបនឹងគូទរថយន្ត RAV4បណ្តាលអោយខូចខាតខ្ទេចអស់មួយកំណត់ខាងឆ្វេង និងរថយន្តឡិចសុីសកំពិតគូទក្រោយខាងស្តាំចំណែករថយន្ត RAV4 វិញខូចខាតបន្តិចបន្តិចតែប៉ុណ្ណោះ ។
ក្រោយពេលកើតហេតុភាគីទាំងសងខាងជជែកគ្នាមិនត្រូវទើបខាងភាគីរថយន្តរងគ្រោះប្រគល់រថយន្តទាំងអស់អោយសមត្ថកិច្ចជំនាញវាស់វែងយកទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយគ្នានៅពេលក្រោយ៕ ព្រែកជ័យ
