សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ស្រវឹងស្រាស្រវឹងស្រាឡើងជោកជាំ បានបើករថយន្តHILUX REVទៅបុកក្បាលនាគចែកទ្រូងផ្លូវបាក់អស់២កង់ ចំណែករថយន្តបែកកង់មុខទៅលែង ។
ហេតុការណ៍នេះ បានកើតឡើងកាលវេលាម៉ោងរំលងអធ្រាត្រ ឈានចូលថ្ងៃទី១៣ ខែកុម្ភៈ ឆ្នាំ២០១៧ ស្ថិតនៅចំណុចមុខផ្សារសុវណ្ណា ក្នុងសង្កាត់ស្ទឹងមានជយ័ ខណ្ឌមានជយ័ រាជធានីភ្នំពេញ។
យោងតាមប្រភពព័ត៌មានពីកន្លែងកើតបានអោយដឹងថា នៅមុនពេលកើតហេតុ គេឃើញបុរសម្នាក់ស្រវឹងស្រាឡើងជោកជាំ បានបើករថយន្តមួយគ្រឿងម៉ាក TOYOTA HILUX REVO ពណ៌ខ្មៅ ពាក់ស្លាកលេខ ភ្នំពេញ 2AF-7457បើកបរតាមបណ្តោយផ្លូវ២៧១ ក្នុងទិសដៅពីជើងទៅត្បូង ក្នុងល្បឿនលឿន ខណៈមកដល់ចំណុចកើតហេតុខាងលើ ក៏បានរេចង្កូតទៅបុកក្បាលនាគចែកទ្រូងផ្លូវបណ្តាលឲ្យបាក់អស់២កង់ ចំណែករថយន្តបង្កបានបែកកង់មុខខាងឆ្វេងទៅមុខលែងរួច តែសំណាងល្អមិនមានអ្នករងរបួសនោះទេ។
ក្រោយពេលកើតហេតុ សមត្ថកិច្ចមូលដ្ឋានចុះមកដល់ បានទាក់ទងហៅជំនាញមកវាស់វែងយករថយន្តបង្កទៅរក្សាទុកនៅការិយាល័យចរាចរណ៍ជើងគោកនៃស្នងការរាជធានីភ្នំពេញរងចាំធ្វើការដោះស្រាយទៅតាមផ្លូវច្បាប់ ៕ ភារ៉ា ដង្កោ
