សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងនគរបាលខណ្ឌឬស្សីកែវបានឆ្មក់បង្ក្រាបនិងឃាត់ខ្លួនជនសង្ស័យម្នាក់ពាក់ព័ន្ធករណីជួញដូរគ្រឿងញៀន កាលពីវេលាម៉ោង៩និង៣០នាទីយប់ថ្ងៃទី១៣ ខែមីនា ឆ្នាំ២០១៧ នៅក្នុងទីផ្ទះលួចបើកល្បែង ហ្គេមបាញ់ត្រី ស្ថិតនៅចំណុចបន្ទប់ជួលគ្មានលេខ ផ្លូវរថភ្លើង ក្រុមទី៨ ភូមិចុងខ្សាច់ សង្កាត់ទួលសង្កែ ខណ្ឌឬស្សីកែវ ។
សមត្ថកិច្ចបានឲ្យដឹងថា ជនសង្ស័យម្នាក់នោះមាន ឈ្មោះ លាង វីរ៉ា ហៅថាវ ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួលគ្មានលេខ ក្រុមទី៨ ភូមិចុងខ្សាច់ សង្កាត់ទួលសង្កែខណ្ឌឫស្សីកែវ ជាមុខសញ្ញាជួញដូរថ្នាំញៀន ។នៅក្នុងប្រតិបត្តិការនេះសមត្ថកិច្ចដកបានវត្ថុតាង រួមមាន១/ថ្នាំញៀនប្រភេទក្រាមពណ៌សថ្លាចំនួន៣៧កញ្ចប់តូច និង២-ទូហ្គេមបាញ់ត្រីចំនួន១ ។
បច្ចុប្បន្នជនសង្ស័យ រួមនិងវត្ថុតាងកំពុងឃាត់ខ្លួននិងរក្សាទុកជាបណ្តោះអាសន្ននៅអធិការដ្ឋាន នគរបាលខណ្ឌឬស្សីកែវដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់ ៕ ប្រាថ្នា
