សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ បុរសម្នាក់បានរត់ទាំងត្រហេបត្រហប និងមានស្នាមរងរបួសយ៉ាងដំណំផងនោះ ដើម្បីដាក់ពាក្តយបណ្ដឹងប្តឹងគូរទំនាសច្រើននាក់ឲ្យជួយស្រាវជ្រាវ ក្រោយពីគេព័ទវាយក្នុងវង់រាំកម្សាន្តកំដរបុណ្យចូលឆ្នាំថ្មី ប្រពៃណីខ្មែរ ឆ្នាំរកា ឆ្នាំ២០១៧។
ហេតុការណ៍ខាងលើបានបង្កការភ្ញាក់ផ្អើលឡើងនៅវេលាម៉ោង២២ និង១៥នាទី ថ្ងៃទី១៥ ខែមេសា ឆ្នាំ២០១៧ ត្រង់ចំណុចក្នុងបរិវេណ(វត្តង្ងាន) ស្ថិតក្នុងភូមិផ្ទះស្រែ ឃុំស្វាយហ្លួង ស្រុកកណ្ដៀង ខេត្តពោធិ៍សាត់ ។
ប្រភពព័ត៌មានពីកម្លាំងមូលដ្ឋានកងរាជអាវុធហត្ថស្រុកកណ្ដៀងបានឲ្យដឹងថា ជនរងគ្រោះបានរត់មកដាក់ពាក្យបណ្ដឹងទាំងរបួសឈ្មោះ ឈឿន គង់ ភេទប្រុស អាយុ ៣០ឆ្នាំ សញ្ជាតិខ្មែរ បច្ចុប្បន្នមានទីលំភូមិស្វាយយាង ឃុំ ស្រុកកណ្ដៀង ខេត្តពោធិ៍សាត់។
ប្រភពព័ត៌មានខាងលើបន្តថា ជនរងរបួសបានមកដាក់ពាក្យបណ្ដឹងនៅអធិការដ្ឋាននគរបាលស្រុកកណ្ដៀង លើជនសង្ស័យច្រើននាក់ ប៉ុន្តែក្នុងនោះក៍មានចាំមុខខ្លះដែរដើម្បីស្រាវជ្រាវ ខណៈជនសង្ស័យទាំងនោះព័ទ្ធវាយលើជនរងរបួសតែម្នាក់ឯង នៅគ្រាដែលខ្លួនចេញពីផ្ទះទៅកន្លែងកើតហេតុ ក្នុងគោលបំណងលេងនឹងគេ ក្នុងកម្មវិធីរាំកម្សាន្តកំដរ(វត្តង្ងាន) បុណ្យចូលឆ្នាំថ្មី ប្រពៃណីខ្មែរ ឆ្នាំរកា ឆ្នាំ២០១៧ បណ្ដាលឲ្យរងរបួសត្រង់ចំណុចក្បាលខាងក្រោយផ្នែកខាងឆ្វេង និងភែ្នកខាងឆ្វេង(ធ្ងន់) ។
ប្រភពព័ត៌មានដដែលបន្តទៀតថា ករណីខាងលើនេះ អាចផ្ដើមចេញពីការគំនុំ បន្ទាប់ពីកម្លាំងបានស្រាវជ្រាវជាបណ្ដើរៗមកនេះ ហើយក៏បានកំណត់មុខសញ្ញាខ្លះៗជាបណ្ដើរផងនោះដែរ រង់ចាំតែបទបញ្ជាប៉ុណ្ណោះដើម្បីចាត់ការ យកមកអនុវត្តន៍តាមនីតិវិធីបន្ត៕ ប៉ឹម ពិន
