សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ ជនសង្ស័យជាអ្នកលួចម៉ូតូម្នាក់ ត្រូវបានម្ចាស់ម៉ូតូស្រែកឲ្យប្រជាពលរដ្ឋ ដេញចាប់ បន្ទាប់ពីឃើញជនសង្ស័យបាន លួចម៉ូតូរបស់ខ្លួន ដែលដាក់នៅក្បែផ្លូវ ។ ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង វេលាម៉ោងជិត៣រសៀល ថ្ងៃទី២ ខែឧសភា ឆ្នាំ២០១៧ នៅសង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ។
សមត្ថកិច្ចបានឲ្យដឹងថា ជនសង្ស័យមានឈ្មោះ ហួត ឆៃ ភេទប្រុស អាយុ២៣ឆ្នាំ មានទីលំនៅភូមិកណ្ដាលសង្កាត់ផ្សារឆ្នាំង ក្រុងកំពង់ឆ្នាំង ។ ចំណែកឯកម្ចាស់ម៉ូតូមានឈ្មោះ ហេង សំខាន់ ភេទប្រុស មានទីលំនៅភូមិទី៧ សង្កាត់ខ្សាម ក្រុងកំពង់ឆ្នាំង ។
សមត្ថកិច្ចបានឲ្យដឹងថា នៅមុនពេលកើតហេតុ ម្ចាស់ម៉ូតូបានជិះម៉ូតូរបស់ខ្លួន ម៉ាក ហុងដា សេ៩០ មួយគ្រឿង ស្លាកលេខ,ភ្នំពេញ ឌ.1749 ទៅមើលស្រែប្រាំង នៅជិតវត្តភ្នំយោង ពេលទៅដល់បានទុកម៉ូតូនៅក្បែរវត្ត រួចចុះទៅមើលប្រាំងទៅ ទើបនឹងទៅដល់ស្រែប្រាំង ក៏ស្រាប់តែឃើញជនសង្ស័យបានយកម៉ូតូរបស់ខ្លួនចេញទៅ ក៍ស្រែកឲ្យគេឯងជួយ ពេលនោះជនសង្ស័យជិះម៉ូតូមកដល់ទីសត្វឃាត ក៏ត្រូវប្រជាពលរដ្ឋចាប់បានតែម្តង ហើយបានរាយការណ៍មកសមត្ថកិច្ចតែម្តង ។
សមត្ថកិច្ចបានឲ្យដឹងថា ជនសង្ស័យគឺជាមុខសញ្ញា ប្រើប្រាស់ និង ចែកចាយសារធាតុញៀនខុសច្បាប់ ច្រើនតែទៅប្រើប្រាស់ថ្នាំញៀនម្តុំព្រៃរបោះនេះ ឃើញម៉ូតូគេទុកចោលក៏លួចតែម្តង ។
នៅពេលនេះសមត្ថកិច្ចបានកសាងសំណុំរឿងបញ្ជូនទៅស្នងការដ្ឋាននគរបាលខេត្តកំពង់ឆ្នាំង ដើម្បីចាត់ការបន្តទៅតាមនីតិវិធី ៕ ចន្ថា
