សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ ៧នាក់ ក្នុងនោះមានម្នាក់ជាមុខសញ្ញាលួច៣នាក់ និង៤នាក់ទៀត ជាប់ពាក់ព័ន្ធប្រើប្រាស់គ្រឿងញៀន ត្រូវបានសមត្ថកិច្ចនគរបាលប៉ុស្តិ៍ភ្នំពេញថ្មី ស្រាវជ្រាវ បង្ក្រាប និងឃាត់ខ្លួនរួមជាមួយវត្ថុតាងកាលពីរំលងអធ្រាត្រ ឈានចូលថ្ងៃទី១៧ ខែឧសភា ឆ្នាំ២០១៧ នៅចំណុចផ្លូវរថភ្លើង ស្ថិតក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
លោក ដួង វណ្ណៈ នាយប៉ុស្តិ៍ស្តីទីភ្នំពេញថ្មី បានឲ្យដឹងថា មុនពេលឈានដល់ការឃាត់ខ្លួនជនសង្ស័យខាងលើ គឺលោកបានទទួលព័ត៌មាន ពីប្រជាពលរដ្ឋបានរាយការណ៍ និងចង្អុលមុខសញ្ញាម្នាក់ជាមុខសញ្ញាដើរលួចនៅពេលយប់ ឈ្មោះ រឿន គឹមឆៃ ទើបលោកបានដាក់កំលាំងតាមដានស្រាវជ្រាវរហូតកំណត់គោលដៅបាន ឈានដល់ការឆ្មក់ចូលបង្ក្រាបជាក់ស្តែង និងឃាត់បានចំនួន៦នាក់ទៀត ជាមុខសញ្ញាប្រើប្រាស់គ្រឿងញៀន ព្រមទាំងបានដកហូតវត្ថុតាង មួយចំនួនជាឧបករណ៍សម្រាប់ប្រើប្រាស់គ្រឿងញៀនផងដែរ ។
សមត្ថកិច្ចបានឲ្យដឹងទៀតថា ជនសង្ស័យទី១ ឈ្មោះ រឿន គឹមឆៃ ភេទប្រុស អាយុ២២ឆ្នាំ មុខរបរមិនពិតប្រាកដ ស្នាក់នៅភូមិដីថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ជាមុខសញ្ញាលួច ។
ទី២ ឈ្មោះ សយ មករា ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ទី៣ ឈ្មោះ ង៉ែត ពៅ ភេទប្រុស អាយុ២៧ឆ្នាំ មុខរបរមិនពិតប្រាកដ ស្នាក់នៅភូមិ ភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ទាំង២នាក់ជាមុខសញ្ញាចែកចាយគ្រឿងញៀន ។
ទី៤ ឈ្មោះធៀង ធំ ភេទប្រុស អាយុ២៥ឆ្នាំ មុខរបរកម្មករសំណង់ ស្នាក់នៅការដ្ធានភូមិដីថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
ទី៥ ឈ្មោះធៀង ចិត្ត ភេទប្រុស អាយុ៣៥ឆ្នាំ មុខរបរកម្មករ សំណង់ ស្នាក់នៅការដ្ធានភូមិដីថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ទាំង២នាក់ជាអ្នកប្រើប្រាស់គ្រឿងញៀន, ទី៦ ឈ្មោះ លី សុខ ភេទប្រុស អាយុ២៥ឆ្នាំ មុខរបរធ្វើសំណង់ ស្នាក់នៅភូមិពោងពាយ សង្កាត់ភ្នំពេញថ្មី ខណ្ឌសែនសុខ និងទី៧ ឈ្មោះ ហៀង សុភ័ស ភេទប្រុស អាយុ១៩ឆ្នាំ មុខរបរធ្វើសំណង់ ស្នាក់នៅភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
បច្ចុប្បន្នជនសង្ស័យទាំង៧នា ក់ត្រូវបានសមត្ថកិច្ចនាំខ្លួនបញ្ជូនទៅកាន់ផ្នែកជំនាញព្រហ្មទណ្ឌ នៃអធិការរដ្ធាននគរបាលខណ្ឌសែនសុខដើម្បីសាកសួរបន្តអនុវត្តតាមនីតិវិធី ៕ តុង សីហា
