សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនជាតិចិនមួយក្រុមបើករថយន្តស៊េរីទំនើប២គ្រឿង ទៅបុកគ្នានៅផ្លូវបែកជាបួន បណ្ដាលឲ្យរងការខូចខាតយ៉ាងដំណំទាំងសងខាង សំណាងល្អមិនមានអ្នករងរបួស។
ហេតុការណ៍នេះបានកើតឡើងនៅវេលាម៉ោងរំលងអធ្រាត្រ ឈានចូលថ្ងៃទី២ ខែមិថុនា ឆ្នាំ២០១៧ នៅតាមបណ្ដោយផ្លូវលេខ៤៣២កែងនិងផ្លូវ១៦៧ស្ថិតក្នុងសង្កាត់ទួលទំពូង២ ខណ្ឌចំការមន រាជធានីភ្នំពេញ។
បើតាមសាក្សីដែលឃើញហេតុការណ៍បានឲ្យដឹងថា មុនពេលកើតហេតុគេឃើញរថយន្តស៊េរីទំនើបមួយគ្រឿងម៉ាករ៉េងរ៉ូវែ ពណ៌ស ពាក់ស្លាកលេខ ភ្នំពេញ2AO.7528 បើកបរដោយជនជាតិចិនទិសដៅពីកើតទៅលិច ខណៈមកដល់ចំណុចកើតហេតុ ក៏ត្រូវរថយន្តស៊េរីទំនើបមួយគ្រឿងទៀតម៉ាករ៉េងរ៉ូវែ ដូចគ្នាពណ៌ខ្មៅពាក់ស្លាកលេខ ភ្នំពេញ 2AM.9818 បើកបរដោយជនជាតិចិនគ្នាគេទិសដៅស្របគ្នាមកបុកពីក្រោយបណ្ដាលឲ្យរងការខូចខាតយ៉ាងដំណំទាំង២គ្រឿង។
ក្រោយកើតហេតុ ភាគីទាំងសងខាង បាននាំគ្នាយករថយន្តទៅជួសជុលរៀងៗខ្លួនដោយសារតែភាគីទាំង២ជាអ្នកស្គាល់គ្នា៕ ភារ៉ា ដង្កា
