សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់ស្រវឹងស្រាបើកម៉ូតូលឿនជ្រុលបុករថយន្ដនាយ ក្រិន តារាសម្ដែងកំប្លែងខណះចតរថយន្ដនៅមុខហាងទំហឹងបណ្ដាលឲ្យរងរបួសធ្ងន់ ។
ហេតុការណ៍នេះកើតឡើងកាលពីវេលាម៉ោង២០និង១៥នាទីថ្ងៃទី៥ ខែមិថុនា ឆ្នាំ២០១៧ មុខហាងនាយក្រិនផ្លូវ២០០៤ ភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ។
តាមប្រភពព័ត៌មានពីកន្លែងកើតហេតុជនរងគ្រោះជិះម៉ូតូ១គ្រឿងម៉ាក ស្មាស់វី ពណ៌ខ្មៅ ពាក់ស្លាកលេខភ្នំពេញ1BL-0360ជិះតាមផ្លូវ២០០៤ពីជើងទៅត្បូង លុះមកដល់ចំណុចកើតហេតុក៏ជ្រុលបុករថយន្តដែលចតស្ងៀមពីក្រោយពេញទំហឹងធ្វើឲ្យរងរបួសបាក់ធ្មេញ បែកមុខ រងរបួសធ្ងន់ ។
ប្រភពបានបន្ដថា រថយន្តរបស់នាយក្រិនតែងតែចតនៅទល់មុខហាងម្ខាងផ្លូវ ជាប្រចាំ។
ចំណែករថយន្តនិងម៉ូតូទាំង២គ្រឿងត្រូវបាននគរបាលចុះវាស់វែងរួចយកទៅរក្សាទុកនៅផ្នែកជំនាញអធិការដ្ឋានខណ្ឌពោធិ៍សែនជ័យរង់ចាំដោះស្រាយពេលក្រោយ ៕ សុខាសែនជ័យ
