សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ នៅវេលាម៉ោង៤និង៣០នាទីរសៀល ថ្ងៃទី១១ ខែមិថុនា ឆ្នាំ២០១៧ មានករណីគ្រោះថ្នាក់ចរាចរលើកំណាត់ផ្លូវជាតិលេខ៦ ត្រង់ចំណុចភូមិត្រពាំងស្វាយ ឃុំបល្ល័ង្ក ស្រុកបារាយណ៍ រវាងម៉ូតូបើកទៅបុករថយន្តម៉ាកHiNoបណ្ដាលឲ្យរបួសធ្ងន់ម្នាក់។
តាមប្រភពព័ត៌មានពីសមត្ថកិច្ចបានឲ្យដឹងថា អ្នកបង្កឡើងដោយម៉ូតូម៉ាក C125ពណ៌ខ្មៅ ពាក់ស្លាកលេខកំពង់ធំ 1A6504 បើកដោយឈ្មោះ រស់រ៉ា ភេទប្រុស អាយុ28ឆ្នាំ រស់នៅភូមិខ្សាច់ល្អិត ឃុំចុងដូង ស្រុកបារាយណ៌ ខេត្តកំពង់ធំ (របួសធ្ងន់) បានបើកទៅបុករថយន្តម៉ាក HiNo ពណ៍សគ្មានស្លាកលេខ ក្រោយកើតហេតុម្ចាស់រថយន្ដឃើញអ្នកបើកបរម៉ូតូមានសភាពមិនស្រួលបានចុះរត់គេចខ្លួនបាត់បាតស្រមោល។
មូលហេតុអ្នកបើកបរម៉ូតូក្នុងស្ថានភាពស្រវឹង បន្ទាប់ពីកើតហេតុសមត្ថកិច្ចបញ្ជូនជនរងគ្រោះទៅសង្រ្គោះនៅ ពេទ្យបង្អែកបារាយណ៍សន្ទុក និងចុះវាស់វែងប្រមូលយកវត្ថុតាងទៅរក្សាទុករក្សាទុកនៅអធិការដ្ឋាននគរបាលស្រុកបារាយណ៍ រង់ចាំដោយស្រាយគ្នាតាមច្បាប់៕ ប៊ុន រិទ្ធី
