សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសកម្មករសំណង់ម្នាក់បានធ្វើដំណើរមកកាន់ប៉ុស្តិ៍នគរបាលចោមចៅ បន្ទាប់ពីទុកម៉ូតូនៅខាងមុខការដ្ឋានសំណង់ និងចាក់សោ៣ជាន់ ហើយឡើងទៅជាន់លើ ដើម្បីហូបបាយ លុះពេលចុះមកវិញ ស្រាប់តែត្រូវចោរលួចបាត់ បង្កការភ្ញាក់ផ្អើលកាលពីវេលាម៉ោង១១និង៣០នាទីព្រឹក ថ្ងៃទី២៣ ខែមិថុនា ឆ្នាំ២០១៧ នៅចំណុចការដ្ឋានសំណង់មួយកន្លែង ជាប់របងសូនវឌ្ឍនៈ សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះឈ្មោះជា សុធា ភេទប្រុស មុខរបកម្មករសំណង់ ស្នាក់នៅភូមិក្រាំងស្វាយ សង្កាត់ក្រាំងអង្ក្រង ខណ្ឌដង្កោ ។ ចំណែកម៉ូតូដែលជនសង្ស័យលួចនោះម៉ាកហុងដាឌ្រឹម សង់ ពណ៌ខ្មៅ ស៊េរីឆ្នាំ២០១៤ ពាក់ស្លាកលេខ ភ្នំពេញ1CR 0081 ។
តាមសម្តីជនរងគ្រោះបានអោយដឹងថា នៅមុនពេលកើតហេតុជារៀងរាល់ថ្ងៃ រួបគាត់តែងតែយកម៉ូតូរបស់គាត់ទុកខាងមុខការដ្ឋានសំណង់ ដែលគាត់ធ្វើការរាល់ថ្ងៃ និងបានចាក់សោ៣ជាប់ឯណោះ ។ លុះដល់វេលាម៉ោងម៉ោង១១ថ្ងៃកើតហេតុ ខណៈដែលគាត់សម្រាកពីការងារហើយបានឡើងទៅជាន់ទី១ ដើម្បីហូបបាយ លុះពេលហូបបាយរួចស្រាប់តែចុះមកមើលម៉ូតូក៏ត្រូវចោរលួចបាត់ ទើបឆោឡោឡើងបង្កការភ្ញាក់ផ្អើល និងរត់ប្តឹងសមត្ថកិច្ចដើម្បីជួយអន្តរាគមន៍៕ សុខាសែនជ័យ
