សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីស្រស់ស្អាតម្នាក់ក្នុងចំណោម មិត្តភក្តិ២នាក់ ដែលអះអាងថា ខ្លួនជាតារា Facebook ក្រោយពីចេញផឹកស៊ីនៅហាងមួយបានបើករថយន្តបើករថយន្ត ជ្រុលទៅបុកគូទរថយន្តឡិចស៊ីសមួយគ្រឿងកាលពីវេលាម៉ោង ១១យប់ ថ្ងៃទី២៩ ខែមិថុនា ឆ្នាំ២០១៧ នៅតាមបណ្តោយផ្លូវព្រះសុរាម្រិត នៅចំណុចរង្វង់មូល សម្តេចសង្ឃរាជ ជួនណាត ស្ថិតក្នុងសង្កាត់ចតុមុខ ខណ្ឌដូនពេញ បណ្តាលឲ្យខូចខាត រថយន្តទាំងសងខាង តែមិនបង្កឲ្យរងរបួសទេ។
ប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តមួយគ្រឿង ម៉ាកតូយ៉ូតាព្រូស ពណ៌ទឹកប្រាក់ ពាក់ស្លាកលេខ ភ្នំពេញ 2AK 7109 ជិះក្នុងរថយន្ត មាននារីស្រស់ស្អាត៣នាក់ ក្នុងនោះដែលអះអាងថាជាតារា Facebook ជាអ្នកបើករថយន្ត ដែលមានឈ្មោះថា PoyPoy Ly បើកបរក្នុងស្ថានភាព ស្រវឹងធ្វើដំណើរតាមបណ្តោយផ្លូវព្រះសុរាម្រិត ក្នុងទិសដៅពីត្បូងទៅជើង។ ខណៈ មកដល់ចំណុចកើតហេតុខាងលើក៏ បានជ្រុលទៅបុកគូទ រថយន្តម៉ាកឡិចស៊ីសRX300 ពណ៌ខ្មៅ ពាក់ស្លាកលេខ ភ្នំពេញ 2K 8231 មួយគ្រឿង បើកស្របទិសគ្នា បណ្តាល រថយន្តតូយ៉ូតាព្រូស ក្រពិតកាងមុខ ផ្នែកខាងស្តាំ ចំនែកឯរថយន្តឡិចស៊ីស RX300 ខូចខាតស្តុបខាងឆ្វេងបន្តិចបន្តួច ។
បន្ទាប់ពីកើតហេតុ អ្នកយកព័ត៌មានជាច្រើនបានចុះថតផ្តិតយករូបភាពនិងយកព័ត៌មាន គ្រោះថ្នាក់ចរាចរណ៍នេះ ស្រាប់តែនាង PeyPey Ly រួមនឹងជាមួយមិត្តភ័ក្តិ បានមកហាមមិនឲ្យថតទេ ហើយបានក្របួចអាវ អ្នកយកពត៌មានដោយនិយាយថា លោកស្គាល់ខ្ញុំអត់? ដឹងថាខ្ញុំជាអ្នកណាអត់ គឺ PeyPey Ly តារាហ្វេសប៊ុក? តែសកម្មភាពនេះអ្នកយកព័ត៌មាន មិនតបតនោះទេ ព្រោះស្រ្តីជាអ្នកបើករថយន្ត មានធុំក្លិនស្រា ទៅហើយ។
បន្ទាប់មកនគរបាលប៉ុស្តិ៍ចតុមុខ ក៏បានចុះទៅសួរនាំក្នុងករណីនេះតែ ត្រូវនាង PeyPey Ly ដេញសមត្ថកិច្ច មិនឲ្យដោះស្រាយទេដោយគាត់សុខចិត្តដោះស្រាយដោយខ្លួនឯង ខណៈដែលម្ចាស់រថយន្តឡិចស៊ីស RX300 ទាមទារសំណង 100$ ប៉ុន្តែខាងនាង PeyPey Ly មិនព្រម ហើយម្ចាស់រថយន្តឡិចស៊ីសធុញនឹងនាងស្រវឹងនិយាយស្តាប់គ្នាមិនបានក៏បានបើករថយន្តចេញបាត់ទៅ៕ ប្រាថ្នា
