សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ កម្លាំងនគរបាលប៉ុស្តិ៍ឫស្សីកែវបានឃាត់ខ្លួនជនសង្ស័យ២នាក់ ខណៈកំពុងចែកចាយថ្នាំញៀនកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី៦ ខែកក្កដា ឆ្នាំ២០១៧នៅ ត្រង់ចំណុចផ្លូវជាតិលេខ៥ ក្រុមទី១៦ ភូមិមិត្តភាព សង្កាត់- ខណ្ឌឫស្សីកែវ។
សមត្ថកិច្ចនគរបាលប៉ុស្តិ៍ឫស្សីកែវបានឲ្យដឹងថា ជនសង្ស័យដែលឃាត់ខ្លួនមាន១/ឈ្មោះ យូ សុខហេង ហៅប៉យ ភេទប្រុស អាយុ២១ឆ្នាំ ជនជាតិខ្មែរ មានទីលំនៅផ្ទះលេខលេខ៣៩៥ ក្រុ១៦ ភូមិមិត្តភាព សង្កាត់ឫស្សីកែវ មុខរបរមិនពិតប្រាកដនិង ២/ឈ្មោះសុធា សុវណ្ណៈ ហៅអាណាក់ ហៅអាតយ ភេទប្រុស អាយុ១៧ឆ្នាំ មានទីលំនៅផ្ទះលេខ៧៥ ផ្លូវជាតិលេខ៥ ភូមិស្ពានខ្ពស់ សង្កាត់គីឡូម៉ែត្រលេខ៦ មុខរបរមិនពិតប្រាកដ។ជនសង្ស័យទាំងពីរនាក់ត្រូវបានឃាត់ខ្លួនក្នុងពេលកំពុងចែកចាយថ្នាំញៀននៅចំណុចខាងលើ។
សមត្ថកិច្ចដដែលបន្តថា ក្រោយពីឃាត់ខ្លួនជនសង្ស័យទាំងពីរនាក់ខាងលើ សមត្ថកិច្ចដកហូតម្សៅក្រាមពណ៌សថ្លាចំនួន៤កញ្ចប់តូចហើយបានកសាងសំណុំរឿង បញ្ជូនទៅអធិការដ្ឋាននគរបាលខណ្ឌឫស្សីកែវ អនុវត្តតាមនីតិវិធី ៕ អរុណរះ
