សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មានការភ្ញាក់មួយបានកើតមានឡើងកាលពីវេលាម៉ោង១ និង៣០នាទីរសៀលថ្ងៃទី៦ កក្កដា ឆ្នាំ២០១៧នៅចំណុចដីឡូត៍លេខ៣ ក្នុងភូមិតត្រពាំងស្វាយ សង្កាត់ភ្នំពេញថ្មី ខណ្ឌសែនសុខបន្ទាប់ពីមាន អគ្គិភ័យឆាបឆេះផ្សែងខ្មៅឡើងលើខ្មួលខ្មាញ់ចេញរោងសិប្បកម្មផលិតព្រំក្បឿងដ៏ធំមួយ។
អគ្គិភ័យនេះត្រូវបានគេដឹងថាបណ្តាលមកពីកម្មករផ្សារដែកម៉ាស៊ីនបាញ់ថ្នាំពាក់មីព្រំក្បឿងខ្ទាតកម្ទេចផ្កាភ្លើងប៉ះជាមួយប្រេងនៅក្បែរនោះទើបបង្កជាភ្លើងឆេះហុយផ្សែងទ្រលោមតែម្តង ។
យ៉ាងណាក្នុងហេតុការណ៍នេះមិនបំផ្លាញសម្ភារៈក្នុងរោងសិប្បកម្មផលិតព្រំក្បឿងនេះទេ ព្រោះពេលមានឧប្បត្តហេតុនេះកើតឡើងភ្លាមក្រុមកម្មករបាននាំគ្នាយកដីខ្សាច់ទៅជះពន្លត់ភ្លើងបានទាន់ពេលវេលា ខណៈដែលមានរថយន្តអគ្គិភ័យចំនួនពីរគ្រឿង បានចុះទៅជួយធ្វើអន្តរាគមន៍ដែរ តែមិនបានបាញ់ទឹកនោះទេ ព្រោះក្រុមកម្មករអាចគ្រប់គ្រងស្ថានការណ៍បានរួចទៅហើយ ៕ ប្រាថ្នា
