ស្រីស្រស់២នាក់ជិះម៉ូតូឆ្លងផ្លូវមិនប្រយ័ត្នត្រូវម៉ូតូមួយគ្រឿងទៀតបុកបណ្តាលរងរបួសធ្ងន់ ស្រាល៥នាក់

ភ្នំពេញ៖ នារី២នាក់បានជិះម៉ូតូzoomerxមួយគ្រឿងឆ្លងផ្លូវមិនប្រយ័ត្ន ក៏ត្រូវយុវជនម្នាក់ និងមាននារី២នាក់ទៀត រួមដំណើរជាមួយជិះម៉ូតូMSXជ្រុលបុកពេញទំហឹងបណ្តាលឲ្យរងរបួសធ្ងន់ស្រាល៥នាក់ ។

ហេតុការណ៍ខាងលើនេះ បានកើតឡើងកាលពីវេលាម៉ោង១រំលងអធ្រាត្រ ឈានចូលថ្ងៃទី១២ ខែកក្កដា ឆ្នាំ២០១៧ នៅចំណុចនាគបាញ់ទឹក តាមបណ្តោយផ្លូវលេខ២៦៨ ស្ថិតក្នុងសង្កាត់ចតុមុខខណ្ឌដូនពេញ។

តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតគេបាន ឃើញនារីរូបស្រស់២នាក់ជិះម៉ូតូម៉ាកZoomer x ពណ៍ត្រួយចេក ពាក់ស្លាកលេខភ្នំពេញ1SF 0241 បើកបរពីទិសខាងលិចទៅកើតទាំងបញ្ច្រាសទិសចរាចរណ៍ ហើយក៏បានឆ្លងផ្លូវភ្លាមនោះ ក៏មានម៉ូតូម៉ាកMSX ពណ៍សលាយខ្មៅ ពាក់ស្លាកលេខភ្នំពេញ1EF 8876 បើកបរដោយបុរសម្នាក់ និងមាននារី២នាក់រួមដំណើរជាមួយ ធ្វើដំណើរចេញពីមុខណាហ្កាវើលក្នុងទិសដៅពីកើតទៅលិចក៏ជ្រុលបុកពេញទំហឹងបណ្តាលឲ្យរងរបួសទាំងងខាង ។

ក្រោយពេលកើតហេតុភាគីខាងម៉ូតូZoomer x ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ចំណែកម៉ូតួត្រូវបានសមត្ថកិច្ចចុះមកវាស់វែងយកទៅរក្សាទុករង់ចាំដោះស្រាយពេលក្រោយ៕ សុខាសែនជ័យ