ជនសង្ស័យម្នាក់ត្រូវបានកម្លាំងកងរាជអវុធហត្ថខេត្តតាកែវឃាត់ខ្លួនពីបទចែកចាយគ្រឿងញៀន

ខេត្តតាកែវ៖ យុវជនម្នាក់ត្រូវបានកម្លាំងការិយាល័យបទល្មើសគ្រឿងញៀន កងរាជអវុធហត្ថ ខេត្តតាកែវឃាត់ខ្លួន ដែលហេតុការណ៍បង្រ្កាបនេះធ្វើឡើងនៅវេលាម៉ោង ១១.៣០នាទី ថ្ងៃទី១៨ ខែ កក្កដា ឆ្នាំ ២០១៧ នៅចំនុច ភូមិ រលាំងក្រើល ឃុំ ត្រពាំងសាប ស្រុកបាទី ខេត្តតាកែវ ។

លោកវរៈសេនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថខេត្តតាកែវ ដែលដឹកនាំការបង្ក្រាប បានឲ្យដឹងថា ជនសង្ស័យដែលធ្វើការឃាត់ខ្លួនខាងលើមាន ឈ្មោៈ នីម ធា ភេទ ប្រុស អាយុ ២០ ឆ្នាំ មុខរបរ មិន ពិតប្រាកដ រស់នៅ ភូមិ ឃុំកើតហេតុខាងលើ។

សមត្ថកិច្ចបានបញ្ជាក់ថា ក្នុងហេតុការណ៍នោះបានដកហូតវត្ថុតាងរួមមាន ម្សៅ ក្រាមសរថ្លា (ម៉ាទឹកកក) ចំនួន 01កញ្ចប់តូច ទំងន់ ១,៣៤gម៉ូតូ ០១គ្រឿង និងទូរស័ព្ទដៃមួយគ្រឿង។

បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនទៅកាន់តុលាការខេត្តតាកែវ៕ ភ្នំដា