សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូដើរកាត់យកស្លាកយីហោ អាម៉ាសូន ដែលគេចងដាក់នៅមុខហាង លុះគេឃើញទាន់សួរនាំឆ្លើយថា ហ្វេនរបស់គាត់ ពេលនោះអ្នកយាមបានចាប់ប្រគល់ឲ្យសមត្ថកិច្ចយកទៅសួរនាំនៅប៉ុស្តិនគរបាលទំនប់ទឹក
ហេតុការបង្កឲ្យមានការភ្ញាក់ផ្អើលនេះបានកើតឡើងនៅវេលាម៉ោង១០និង៣០នាទីយប់ ថ្ងៃទី២២ ខែសីហា ឆ្នាំ២០១៧ នៅចំណុចផ្ទះជួសជុល ផ្លូវ៤៣០ កែងផ្លូវ១៨៣ ស្ថិតក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ ។
បុរសដែលម្ចាស់ស្លាកយីហោចោទប្រកាន់ថា បានលួចស្លាកយីហោនោះមានឈ្មោះ សេង សេងម៉ូវ ភេទប្រុស អាយុ៣៨ឆ្នាំ មានស្រុកកំណើតឃុំព្រែកនរិន្ឋ ស្រុកឯកភ្នំ ខេត្តបាត់ដំបង ម៉ូតូដែលជិះធ្វើសកម្មភាពម៉ាក ស្មាស ពណ៌ខ្មៅ ពាក់ស្លាកលេខ ភ្នំពេញ 1AL-3784 ។
ខណៈពេលដែលយកមកដល់ប៉ុស្តិ៍ឆែកឆេរនៅក្នុងកាបូបស្ពាយរបស់គាត់រកឃើញរបោះរបរជាច្រើនដូចជា៖ កូនកាំបិតបត់ចំនួន៩ កាំបិតសមុខស្រួច១ និងថ្នាំពេទ្យ កូនសោមួយចំនួន និងរបស់របរផ្សេងៗជាច្រើនទៀត លុះដល់សមត្ថកិច្ចសាកសួរលួចយកទៅធ្វើអីរូបគាត់បានឆ្លើយថាស្រឡាញ់ ទើបគាត់កាត់យកទៅដេកឱប និងទុកចងជញ្ជាំងផ្ទះដល់សមត្ថកិច្ចសួរថា ផ្ទះនៅឯណា បែរជាឆ្លើយថា នៅផ្ទះផ្កាយ៣ តែនៅពេលដែលឲ្យរកលេខទូរស័ព្ទ គឺនៅតែអង្គុយចុចតែទូរសព្ទ័ទៅវិញធ្វើឲ្យសមត្ថកិច្ចប៉ុស្តិ៍នគរបាលទំនប់ទឹកហួសចិត្តនិយាយលែងចេញ អង្គុយតែក្រវីក្បាល ។
ក្រោយមកសមត្ថកិច្ចបានធ្វើសាវតាជាតិ និងកិច្ចសន្យាអប់រំឲ្យឈប់ធ្វើដូច្នេះទៀតហើយក៏បានដោះលែងឲ្យត្រឡប់ទៅវិញ ៕ ភារ៉ា ដង្កោ
