សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានបានស្លាប់នៅកន្លែងកើតហេតុ និងម្នាក់ទៀតរងរបួសធ្ងន់ខណះកំពុងជិះម៉ូតូហើយត្រូវរថយន្តកង់តឺន័របុកកាលវេលាម៉ោង ១១និង៤០នាទី យប់ ថ្ងៃទី៣១ ខែសីហា ឆ្នាំ២០១៧ តាមបណ្តោយផ្លូវ ជាតិលេខ៣ភូមិក្រាំងដូនទៃ សង្កាត់ចោមចៅ ខណ្ឌពោធិ៍សែនជ័យ។
សពជនរងគ្រោះឈ្មោះឆែម ឆៃ ភេទប្រុស អាយុ១៨ឆ្នាំមុខរបរ នៅផ្ទះរស់នៅភូមិព្រៃកី សង្កាត់ពងទឹក ខណ្ឌដង្កោ និងម្នាក់ទៀតរងរបួសធ្ងន់ មិនត្រូវបានគេស្គាល់ឈ្មោះនោះឡើយ ដោយជិះម៉ូតូម៉ាកគុបជ្រុង(90) ពណ៌ខ្មៅ ពាក់ស្លាក់លេខ ភ្នំពេញ 1BI-4083។ ចំណែកឯអ្នកបើកបររថយន្តបង្កហេតុមិនត្រូវបានគេស្គាល់ឈ្មោះនោះទេ រត់គេចខ្លួនបាត់ស្រមោលបន្សស់ទុករថយន្តបង្កម៉ាកហីណូពណ៌ខៀវឆ្នូតបៃតង ពាក់ស្លាកលេខភ្នំពេញ 3A-7586។
តាមប្រភពព័ត៌មានពីកន្លែងកើតហេតុបាននិយាថានៅមុនពេលកើតហេតុគេឃើញជនរងគ្រោះ ជិះម៉ូតូម៉ាកគុបជ្រុងមួយគ្រឿងមានគ្នា២នាក់ធ្វើដំណើរក្នុងទិដៅពីត្បូងទៅជើងនឹងបក្ខពួក២ម៉ូតូគ្រឿងទៀតជិះស្របគ្នាប្រដេញយ៉ាងលឿន។
បន្ទាប់មកស្រាប់តែម៉ូតូខាងលើបានរ៉េចង្កូតទៅផ្នែកខាងឆ្វេង ជួនពេលនោះក៏មានកង់តឺន័រមួយគ្រឿងបើកបរក្នុងទិសដៅ បញ្ជ្រាសគ្នា ហើយបានបុកម៉ូតូជនរងគ្រោះខាងលើចំពីមុខរថយន្តផ្នែកចំហៀងខាងឆ្វេង ពេញទំហឹងបណ្តាលអូសជាង២០ម៉ែ្រតខូចខ្ទេចមួយកំណាត់មុខ ធ្វើឲ្យជនរងគ្រោះស្លាប់ភ្លាមនៅកន្លែងកើតហេតុចំណែកម្នាក់ទៀត រងរបួសយ៉ាងធ្ងន់ធ្ងរត្រូវបានរថយន្តដឹងយកទៅសង្គោះនៅមន្ទីពេទ្យ មិត្តភាពខ្មែរសូវៀត(រុស្សី)។ ដោយឡែករថយន្តបង្កខាងលើបានបើករត់គេចបានប្រមាណជាង១០០ម៉ែត្របានចុះពីរថយន្តហើយរត់គេចខ្លួនបាត់ស្រមោល។
ក្រោយកើតហេតុ សាកសពត្រូវបានក្រុមគ្រួសា ដឹកយកទៅ ធ្វើបុណ្យតាមប្រពៃណី រីឯរថយន្តបង្កនិងម៉ូតូត្រូវបាននគរបាលជំនាញយកទៅរក្សាទុកនៅការិយាល័យចរាចរណ៍ជើងគោក ស្នងការរាជធានីភ្នំពេញរងចាំការដោះស្រាយគ្នានៅពេលក្រោយ៕ សុខាសែនជ័យ
