សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់ដោយសារតែវក់និងល្បែងលេងភ្លេចបាយទឹកពេលចាញ់អស់លុយ ក៏បែកគំនិតដើរលួចមាត់គេ តែត្រូវម្ចាស់គេទាន់ចាប់ប្រគល់ឲ្យសមត្ថកិច្ច។
ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ ថ្ងៃទី៣ ខែកញ្ញា ឆ្នាំ២០១៧ នៅភូមិត្រពាំងរំចេក សង្កាត់ចោមចៅ ខណ្ឌពោធិ័សែនជ័យ។
ជនសង្ស័យឈ្មោះស្រី នី ភេទស្រី អាយុ៣៣ឆ្នាំ មុខរបក្មការិនីរោងចក្រ ស្នាក់ បន្ទប់ជួល ភូមិត្រពាំងរំចេក សង្កាត់ចោមចៅ ខណ្ឌពោធិ៍សែនជ័យ។
តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុជនសង្ស័យបានជិះកង់មកហើយធ្វើសកម្មភាពចូលក្នុងរោងមាន់ដែលនៅខាងមុខផ្ទះ ខណៈកំពុងធ្វើសកម្មភាព ក៏លឺសម្លេងមាន់ស្រែក ពេលនោះម្ចាស់អើតមើល ក៏ឃើញជនសង្ស័យទើបឃាត់ខ្លួន និងរាយការណ៍ទៅសមត្ថកិច្ចតែម្តង។
ក្រោយពេលកើតហេតុសមត្ថកិច្ចបានចុះទៅដល់កន្លែងកើតហេតុហើយបានអប់រំ និងដោះលែងជនសង្ស័យឲ្យទៅផ្ទះវិញ៕ សុខាសែនជ័យ
