សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀងៈ យោងតាមរបាយការណ៍របស់ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តស្វាយរៀងបានឲ្យដឹងថា គិតចាប់ពីខែធ្នូ ឆ្នាំ២០១៦ ដល់ខែសីហា ឆ្នាំ២០១៧ មានរយៈពេល៩ខែ ករណីគ្រោះថ្នាក់ចរាចរណ៍មានការថយចុះ៣ភាគរយ បើប្រៀបធៀបរយៈពេល៩ខែក្នុងឆ្នាំ២០១៦កន្លងទៅ ។
របាយការណ៏បញ្ជាក់ទៀតថា គ្រោះថ្នាក់ចរាចរណ៍លើយានយន្តគ្រប់ប្រភេទគឺមាន១១៧លើក លើ១២០ និងមានអ្នករងគ្រោះសរុប២៨៨នាក់ ស្រី៩៩នាក់លើ៤៤៣នាក់ មានការថយចុះចំនួនមនុស្ស១៥៥នាក់ ស្មើ៣៥ភាគរយ ក្នុងនោះបណ្តាលឲ្យមានអ្នករងរបួសធ្ងន់ចំនួន១២៨នាក់ ស្រី៤២នាក់ លើ១៦១នាក់ មានការថយចុះ២០ភាគរយរងបួសស្រាលមានចំនួន១១១នាក់ ស្រី៥១នាក់ លើ២៤១នាក់ មានការថយចុះ៥៤ភាគរយ ចំណែកអ្នកទាំងអស់មានចំនួន៤៩នាក់ស្រី៦នាក់ លើ៤១នាក់ មានការកើនឡើងជាងក្នុងឆ្នាំ២០១៦ចំនួន៨នាក់ ស្មើ១៦ភាគរយ។
ចំណែកក្រុង ស្រុកដែលមានករណីគ្រោះថ្នាក់ចរាចរណ៍រួមមាន៖ ក្រុងស្វាយរៀងចំនួន៣៧លើក,ក្រុងបាវិតចំនួន៣២លើក,ស្រុកស្វាយទាបចំនួន១៦លើក, ស្រុកស្វាយជ្រំចំនួន១៣លើក, ស្រុកចន្ទ្រាចំនួន៣លើក, ស្រុករមាលហែកចំនួន១០លើក,ស្រុកកំពង់រោទិ៍ចំនួន៦លើក។ ចំណែកមធ្យោបាយខូចខាតសរុបចំនួន២០២គ្រឿង ក្នុងនោះរថយន្តធំខូចខាត១២គ្រឿង រថយន្តតូចខូចខាតចំនួន៣២គ្រឿង ម៉ូតូខូចខាត១៤៩គ្រឿងគោយន្តខូចខាតចំនួន៣គ្រឿងកង់ខូចខាតចំនួន៦គ្រឿង៕ យឹម សុថាន
