សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ នៅវេលាម៉ោង៥និង៣០នាទី ថ្ងៃ៨ ខែកញ្ញា ឆ្នាំ២០១៧ មានករណីហិង្សាក្នុងគ្រួសារមួយបានកើតឡើង នៅចំណុចភូមិឈើទាល ឃុំឈើទាល ស្រុកសណ្ដាន់ ខេត្តកំពង់ធំ មូលហេតុកើតចេញមកពីប្តីមានការប្រចណ្ឌប្រពន្ធ ។
សមត្ថកិច្ចបានឲ្យដឹងថា អ្នកបង្កឈ្មោះ សាន់ ធូ ភេទប្រុស អាយុ៣១ឆ្នាំ (ត្រូវជាប្តី) រស់នៅភូមិ ឃុំកើតហេតុខាងលើ បានយកសាំងចាក់ដុតជនរងគ្រោះជាប្រពន្ធ មានឈ្មោះ សុខ ជា អាយុ៣១ឆ្នាំ រស់នៅភូមិ ឃុំកើតហេតុខាងលើ បណ្ដាលឲ្យសាំងឆាបឆេះរងរបួសធ្ងន់ទាំង២នាក់ ។ ចំណែកទ្រព្យសម្បត្តិ និងផ្ទះមិនមានការខូចខាតអ្វីឡើយ ។
ជនរងគ្រោះ និងជនបង្កត្រូវបានក្រុមគ្រួសារបញ្ជូនទៅព្យាបាលនៅមន្ទីរខេត្តកំពង់ធំ ៕ ប៊ុន រិទ្ធី
