សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលប៉ុស្ដិ៍ទន្លេបាសាក់បានឃាត់ខ្លួនជនសង្ស័យ៣នាក់ ក្នុងជាប់ពាក់ព័ន្ធករណីជួញដូរ និងប្រើប្រាស់គ្រឿងញៀនដោយខុសច្បាប់ កាលពីវេលាម៉ោង៦ល្ងាច ថ្ងៃទី២៦ ខែកញ្ញា ឆ្នាំ២០១៧ ស្ថិតនៅចំណុចមុខនៅចំនុចផ្ទះលេខ៣២៤ ផ្លូវព្រះនរោត្តម ក្រុម១២៥ ភូមិ១៦ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
សមត្ថកិច្ចនគរបាលប៉ុស្ដិ៍ទន្លេបាសាក់បានឲ្យដឹងថា ជនសង្ស័យទាំង៣នាក់ខាងលើ ១/ឈ្មោះអុឹម សុខ លីន ភេទប្រុស អាយុ១៩ឆ្នាំ ស្នាក់នៅផ្ទះខាងលើមុខរបរគ្មាន ។២/ឈ្មោះ សឿង សិលា ភេទប្រុស អាយុ២៩ឆ្នាំ ស្នាក់នៅផ្ទះលេខT១១០ផ្លូវនរោត្តមភូមិ៩សង្កាត់ ទន្លេបាសាក់ មុខរបរ រត់ម៉ូតូឌុប និង៣/ឈ្មោះម៉េត រតនា ភេទប្រុស អាយុ១៧ឆ្នាំ ស្នាក់នៅផ្ទះគ្មានលេខភូមិប៉ប្រក់ខាងជើង សង្កាត់កាកាបខណ្ឌពោធិសែនជ័យមុខរបរគ្មាន ដកហូតវត្ថុតាងក្រាមសថ្លា៤កញ្ចប់តូច និងប្រដាប់ជក់មួយកំប្លេ។
ប្រភពពត៍មានពី សមត្ថកិច្ចនគរបាលប៉ុស្ដិ៍ទន្លេបាសាក់ បានប្រាប់ឲ្យដឹងថា សមត្ថកិច្ចកំពុងបានជិះល្បាតក្នុងមូលដ្ឋាន ហើយប្រទះឃើញជនសង្ស័យទាំង៣នាក់ខាងលើដូចជាមានការសង្ស័យ ក៏បានឃាត់ខ្លួនឆែកឆេរនិងដកហូតថ្នាំញៀនបាន៤កញ្ចប់តូច ដកហូតវត្ថុតាងក្រាមសថ្លា៤កញ្ចប់តូចនិងប្រដាប់ជក់មួយកំប្លេ។
បច្ចុប្បន្ន ជនសង្ស័យទាំង៣នាក់រួម និងវត្ថុតាង ត្រូវបានសមត្ថកិច្ចនគរបាលប៉ុស្ដិ៍ទន្លេបាសាក់សួរនាំ និងកសាងសំណុំរឿងបញ្ជូនបន្តទៅអធិការដ្ឋាននគរបាលខណ្ឌចំការមន ចាត់ការបន្តតាមច្បាប់៕ ស រស្មី
