សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលផ្នែកប្រឆាំងគ្រឿង ញៀនសហការជាមួយកម្លាំងសហប៉ុស្តិ៍ នៃអធិការដ្ឋាននគរបាលខណ្ឧដូនពេញ បានឃាត់ខ្លួនជនសង្ស័យម្នាក់ ពីបទជួញដូរដោយខុសច្បាប់នូវសារធាតុញៀនកាលពីវេលាម៉ោង ០១និង៣០នាទីរសៀល ថ្ងៃទី៧ ខែតុលា ឆ្នាំ២០១៧ នៅចំណុចផ្លូវរថភ្លើង ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ ។
ជនសង្ស័យត្រូវឃាត់ខ្លួនឈ្មោះ ព្រាប ខ្លឹង ភេទប្រុស អាយុ២៥ ឆ្នាំ ជនជាតិខ្មែរ មុខរបរនឹងទីលំនៅមិនពិតប្រាកដ (ឃាត់ខ្លួន)។ វត្ថុតាងចាប់យក៖ ក្រាមពណ៌សថ្លាសង្ស័យជាគ្រឿង ញៀនចំនួន០៨កញ្ចប់ (ប្រាំបីកញ្ចប់តូច), លុយខ្មែរ៨០០០រៀល (ប្រាំបីពាន់រៀល) ។
ប្រភពព័ត៌មានពីមន្រ្តីនគរបាលខណ្ឌដូនពេញ បានឲ្យដឹងថា មុនពេលឃាត់ខ្លួនជនសង្ស័យខាងលើនេះ គឺកម្លាំងជំនាញនគរបាលទទួលផ្នែកគ្រឿងញៀនខណ្ឌដូនពេញ សហការជាមួយកម្លាំងសហប៉ុស្តិ៍ ជិះល្បាតនិងធ្វើការស្រាវជ្រាវ ប្រទះឃើញជនសង្ស័យ ឈររេរាក៏ធ្វើការឃាត់ខ្លួនជាក់ស្ដែងតែម្តង ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឧដូនពេញនឹងកសាងសំណុំរឿងបញ្ជូនទៅសាលាដំ បូងរាជធានីភ្នំពេញចាត់ការតាមនីតិវិធី ៕ ស តារា
