សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំៈស្រី្តវ័យចំណាស់ម្នាក់ ត្រូវម៉ាស៊ីនកិនទឹកអំពៅដើរដោយចរន្តអគ្គិសនីផ្តាច់យកជីវិត កាលពីម៉ោង៣រសៀល ថ្ងៃទី៣០ ខែវិច្ឆិកា ឆ្នាំ២០១៧ នៅភូមិទួលកំពតទី៣ ឃុំបឹងព្រួល ស្រុក-ខេត្តត្បូងឃ្មុំ ។
សមត្ថកិច្ចបានឲ្យដឹងថា ស្ត្រីរងគ្រោះឈ្មោះ លី សះ អាយុ៦៥ឆ្នាំ មានមុខរបរកៀបទឹកអំពៅលក់ មានជីវភាពក្រីក្រ និងមានទីលំនៅក្នុងភូមិឃុំកើតហេតុខាងលើ ។
អ្នកភូមិបានឲ្យដឹងថា ស្រី្តរងគ្រោះ ជាជនជាតិខ្មែរអ៊ិស្លាម រស់ក្នុងជីវភាពខ្វះខាត ដោយប្រកបរបរកិនទឹកអំពៅលក់ ដើម្បីផ្គត់ផ្គង់គ្រួសារ ។ នៅថ្ងៃកើតហេតុ គាត់បានធ្វើការងារដូចសព្វដង ស្រាប់តែចៃដន្យ ខណៈកំពុងដំណើរការកិនអំពៅ គាត់បានឱនក្បាលទាញយកកាក អំពៅ ដែលចេញពីម៉ាស៊ីននោះ ក៏ជ្រុះកន្សែងជូតក្បាល និងរុំកចូលឃ្នាបកិនអំពៅ បណ្តាលឲ្យរឹតកស្លាប់នៅនឹងកន្លែងតែម្តង។
ក្រោយកើតហេតុសមត្ថកិច្ចជំនាញទៅដល់ធ្វើកោសល្យវិច័យ និងបានសន្និដ្ឋានថា ជនរងគ្រោះ ពិតជាស្លាប់ដោយឧប្បត្តិហេតខាងលើប្រាដមែន រួចបានប្រគល់សពឲ្យក្រុមគ្រួ សារយកទៅធ្វើបុណ្យតាមប្រពៃណី ៕ សហការី
