សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ ឧប្បករណ៍ល្មើសនេសាទជាច្រើនរួមមាន លូស្បៃមុង ចំនួន៣៨មាត់ របាំងប្រវែង៤៥៦ម៉ែត្របង្គោលចំរុះ ចំនួន៦១២ដើម ត្រូវបានកម្លាំងចម្រុះខេត្តកំពង់ចាមបង្ក្រាបនិងចាក់លែងកូនត្រីចំរុះ ចំនួន ១១៤គីឡូក្រាម និងសម្ភារៈវត្ថុតាងត្រូវបានកំទេចចោលនៅនឹងកន្លែង ។
ប្រតិបត្តិការបង្ក្រាបខាងលើធ្វើឡើងនៅរសៀលថ្ងៃទី២៣ ខែធ្នូ ឆ្នាំ២០១៧ ក្រោយទទួលបានពត៌មានអំពីបទល្មើសនេសាទខុសច្បាប់ នៅវេលាម៉ោង៩ព្រឹក។ ក្រោមបញ្ជាឧត្តមសេនីយ៍ត្រី ឯម កុសល បានចាត់បញ្ជាលោកអធិការនគរបាលស្រុកកំពង់សៀម ដឹកនាំកំលាំងសហការជាមួយខ័ណ្ឌរដ្ឋបាលជលផលខេត្តកំពង់ចាម ដឹកនាំដោយលោក ឯម គឹមសួរ អភិបាលរងស្រុកកំពង់សៀម ចុះបង្រ្កាបបទល្មើសនេសាទខុសច្បាប់នៅចំណុចវាលទន្លេ និងវាលកន្ទេល ឃុំគៀនជ្រៃ ។
ក្នុងការចុះបង្ក្រាប ជាលទ្ឋផលកម្លាំងបានកាប់ដុតកម្ទេចចោលមាន លូស្បៃមុង ចំនួន៣៨មាត់ របាំងប្រវែង៤៥៦ម៉ែត្របង្គោលចំរុះ ចំនួន៦១២ដើម ចាក់លែងកូនត្រីចំរុះ ចំនួន ១១៤គីឡូក្រាម ៕ វណ្ណៈ
