សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ ជនសង្ស័យចំនួន២នាក់ត្រូវបាននគរបាលស្រុកបាទី ឃាត់ខ្លួន ក្នុងករណីរក្សាទុក និងជួញដូរខុសច្បាប់សារធាតុញៀន ដែលប្រតិបត្តិការណ៏បង្រ្កាបនេះធ្វើឡើងកាលពីថ្ងៃពុធ ៨កើត ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២៤ ខែមករា ឆ្នាំ២០១៨ វេលាម៉ោង១១ និង០០នាទី ស្ថិតនៅចំណុចផ្ទះជួលមួយកន្លែងក្នុងភូមិទន្លេបាទី ឃុំ ក្រាំងគ្នង់ ស្រុកបាទី ខេត្តតាកែវ ។
នគបាលស្រុកបាទីបានឲ្យដឹងថា ជនសង្ស័យទី១ ឈ្មោះ ជា សុខណាក់ ភេទប្រុស អាយុ២៧ឆ្នាំ មុខសញ្ញាចែកចាយ និងប្រើប្រាស់ថ្នាំញៀនមានស្រុកកំណើតភូមិព្រៃព្រឹងខាងត្បូងសង្កាត់ចោមចៅ ចណ្ឌពោធិសែនជ័យ រាជធានីភ្នំពេញ បច្ចុប្បន្ន ស្នាក់នៅបន្ទប់ជួលក្នុង ភូមិ ឃុំខាងលើ និងទី២ ឈ្មោះ ណាំ សុជីតាណ ភេទស្រីអាយុ២០ឆ្នាំ មុខសញ្ញា ប្រើប្រាស់មានស្រុកកំណើតនៅភូមិអូត្រជាក់ចិត្ត សង្កាត់សំរ៉ុង ខណ្ឌព្រៃនប់ ព្រះសីហនុ បច្ចប្បន្នសា្នក់នៅបន្ទប់ជួយភូមិ ឃុំខាងលើ បន្ទាបពីឃាត់ខ្លួនសមត្ថកិច្ចដកហូតបានថ្នាំញៀនមួយកព្ចាប់ធំ ប្រាំបួនកព្ចាប់តូច ដាវមួយ ពូថៅមួយ ជំពាមកៅស៊ូមួយ គ្រាប់ឃី ប្រាំបីគ្រាប់ ទូរព្ទស័ដៃមួយគ្រឿងម៉ូតូចំនួនពីគ្រឿង។
បច្ចុប្បន្ន ជនសង្ស័យ និងវត្ថុតាង សមត្ថកិច្ចជំនាញកំពុងកសាងសំណុំរឿងតាមនីតិវិធី៕ ភ្នំដា
