ជនជាតិចិនបើករថយន្តទំនើបបុកក្បាលនាគចែកទ្រូងផ្លូវក្រឡាប់ផ្ងារកង់ទ្រមេឃ

ភ្នំពេញ ៖ ជនជាតិចិននៅស្រុកខ្មែរម្នាក់បើកឡានម៉ាកសឺរដេស ទាំងអការស្រវឹងស្រាទៅបុកក្បាលនាគចែកទ្រូងក្រឡាប់ផ្ងារកង់ឡើងលើ តែមិនបង្ក គ្រោះថ្នាក់ដល់មនុស្សឡើយ។

ហេតុការណ៍កើតឡើងនៅរំលងអធ្រាត្រ ឈានចូលថ្ងៃសៅរ៍ ១១កើត ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៧ ខែមករា ឆ្នាំ២០១៨ ផ្លូវម៉ៅសេទុង កែងផ្លូវ១៩៩ សង្កាត់ទួលស្វាយព្រៃ២ ខណ្ឌចំការមន ក្រុងភ្នំពេញ ។

សាក្សីថា បុរសចិនបើកឡានពណ៌ខ្មៅ ពាក់ស្លាកលេខ ភ្នំពេញ 2R-9089 លើផ្លូវម៉ៅសេទុង ពីត្បូងទៅជើង ល្បឿនលឿនដូចហោះ ក៏រេបុកក្បាលនាគចែកទ្រូងផ្លូវក្រឡាប់រថយន្តផ្ងារកង់ទ្រមេឃ តែមិនបង្កឲ្យនរណាម្នាក់រងរបួសទេ ។

សមត្ថកិច្ចបានឃាត់អ្នកបើករថយន្តបង្ក និងទាក់ទងជំនាញចុះមកវាស់វែងយករថយន្ត ទៅការិយាល័យចរាចរណ៍ផ្លូវគោក នៃស្នងការដ្ឋាននគរបាលចរាចរណ៍រាជធានីភ្នំពេញ រង់ចាំដោះស្រាយក្រោយ ៕ ភារ៉ា ដង្កោ