បើកម៉ូតូបុកគោដើរឆ្លងផ្លូវ៖ មនុស្សក៏ស្លាប់ គោក៏ងាប់

ខេត្តព្រះសីហនុ៖ បុរសម្នាក់ជិះម៉ូតូបុកសត្វគោដើរឆ្លងផ្លូវបណ្តាលឲ្យស្លាប់ក្រោយពេលបញ្ជូនដល់មន្ទីរពេទ្រ ចំណែកសត្វគោក៏ប្រកាច់ងាប់ភ្លាមៗនៅកន្លែងគ្រោះថ្នាក់ចរាចរណ៍នេះដែរ។

ហេតុការណ៍កើតឡើងនៅវេលាម៉ោង១៩និង៣០នាទី ថ្ងៃអាទិត្យ ១២កើត ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៨ ខែមករា ឆ្នាំ២០១៨ នៅលើផ្លូវសម្តេចសង្ឃទេពវង្ស នៅចន្លោះបង្គោល គីឡូម៉ែត្រលេខ២២ និងលេខ២៣ ស្ថិតនៅក្រុម១ ភូមិ១ ឃុំអូរត្រេះ ស្រុកស្ទឹងហាវខេត្តព្រះសីហនុ។

សមត្ថកិច្ចបានឲ្យដឹងថា ជនរងគ្រោះមានឈ្មោះ ឈុន អុីម ភេទប្រុស អាយុ៣៥ឆ្នាំ មុខរបរកម្មករ មានទីលំនៅ ភូមិអូត្រជាក់ចិត្ត ឃុំ សំរុង ស្រុកព្រៃនប់ ខេត្ត ព្រះសីហនុ ។ សពត្រូវបានក្រុមគ្រួសារយកទៅធ្វើបុណ្យតាមប្រពៃណីឯភូមិកំណើត៕ ឆ្លាម សមុទ្រ