សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ សំដី ប្រជាពលរដ្ននៅក្នុងភូមិ នីពេជ(ក)ក្នុង ឃុំនីពេជ ស្រុកកំពង់ស្វាយ ខេត្តកំពង់ធំ បានប្រតិកម្មជាមួយអ្នករៀបចំដីលក់ឲ្យក្រុមហ៊ុន ស៊ីវ សុរ៉ាពេជ ថាកេងប្រវ័ញ្ចយកដីស្រែដែលពួកគាត់ធ្លាប់អាស្រ័យផលតាំងពីឆ្នាំ១៩៩៣ ក្រោមការឃុបឃឹតគ្នាជាមួយអាជ្ញាធរភូមិ ឃុំស្រុកកំពង់ស្វាយ លួចធ្វើប្លង់កម្មសិទ្ធិឲ្យទៅក្រុមហ៊ុន នេះ ទាំងពលរដ្នមិនទទួលស្គាល់ មិនយល់ព្រម មិនតែប៉ុណ្ណោះបានបញ្ជាឲ្យសមត្ថកិច្ចរារាំង ពលរដ្ន មិនឲ្យទៅប្ដឹងអភិបាលខេត្តកំពង់ធំ កាលពីថ្ងៃទី២៤ មករា និង ថ្ងៃទី២៥ មករា ឆ្នាំ២០១៨ បានហាមឃាតពលរដ្មមិនឲ្យចុះវាស់វែងដីរបស់ខ្លួន នៅចំណុចផ្លូវទទឹង រោងរទេះ ក្នុងភូមិ ឃុំ នីពេជ ស្រុកកំពង់ស្វាយ ក្នុងនោះមានទាំង លោក ងិន ប៉ន ប្រធានក្រុមប្រឹក្សាឃុំ លោក មេភូមិ នីពេជ លោកនាយរងប៉ុស្ដិ នីពេជ ព្រមទាំងសមត្ថកិច្ច ផងដែរ។
ប្រជាពលរដ្នបានឲ្យដឹងថា ក្រុមហ៊ុនបានឲ្យ លោក មាស យ៉េត ជាអ្នក រៀបចំដីលក់និងជាអ្នកទទួលទិញដី។ ជាក់ស្ដែងដីប្រជាពលរដ្នដែលធ្លាប់អាស្រ័យផល តាំង ពីឆ្នាំ ១៩៩៣មកនោះគ៏ត្រូវ លោក មាស យ៉េត រៀបលក់ឲ្យក្រុមហ៊ុន តាមតែទំនើងចិត្ត មិនខ្វល់ពីផលប៉ះពាល ទឹកចិត្តប្រជាពលរដ្នជាម្ចាស់ឆ្នោតនោះទេ ហើយពេលយកលុយមកប្រគល់ឲ្យប្រជាពលរដ្នតាមផ្ទះនោះគឺមិនបានប្រាប់ថាជាលុយដីនៅចំណុចណានោះទេ ពលរដ្ននឹកស្មានថាជាលុយដែលពួកគាត់បានលក់ដី ឲ្យក្រុមហ៊ុនកូរ៉េនៅចំណុចខាងកើតភូមិដងសំរឹត ក្នុងឃុំត្បែងនិងឃុំនីពេជដែលមានព្រំប្រទល់ជាប់គ្នា ទើបគ្មានប្រតិកម្ម រហូតជាង១០ឆ្នាំមកហើយ លុះមានការប្រកាសពីតំណាងក្រុមថានិងយកគ្រឿងចក្រមកឈូសឆាយចំណុច ផ្លូវទទឹង រោងរទេះនេះ ទើបប្រជាពលរដ្នប្រតិកម្ម ថា ដីនៅចំណុចផ្លូវទទឹង រោងរទេះនេះ ពួកគាត់មិនបានលក់នោះទេ ហើយក៏មិនបាន និយាយតថ្លៃតំលៃដីនោះដែរ បែរជាតំណាងក្រុមហ៊ុន ថាលុយដែលឲ្យនោះគឺលុយ ដីនៅចំណុចផ្លូវទទឹង រោងរទេះនេះទៅវិញ។ប្រជាពលរដ្នបានបន្ដថា អ្នកខ្វះមានដី៨ ហិចតា បែរជាប្រគល់ដី ៧៦ ម៉ឺនរៀលមកឲ្យ អ្នកខ្លះទៀតមានដី៥ហិចតា បែរជាយកលុយ ជាង៥០ម៉ឺន រៀល មកឲ្យ វាមិនសមាមាត្រទៅតាមទំហំដីទាល់តែសោះ លុះមកដល់ឆ្នាំ២០១៨នេះ លឺថាក្រុមហ៊ុន ស៊ីវ សុរ៉ាពេជ នេះ មានប្លង់់កាន់នៅក្នុងដៃ ទៅវិញ ។
ពាក់ព័ន្ធនិងរឿងនេះ លោក មាស យ៉េត បានឆ្លើយបដិសេដ ក្នុងកិច្ចសម្ភាសថា លោកមិនមែនជាអ្នករៀបដីលក់ទេ គឺលោកជាអ្នកតំណាងអ្នកទិញដី ឲ្យក្រុមហ៊ុន កាលណោះ លោកព្រម ទាំងគណះកម្មាការ អាជ្ញាធរ ភូមិ ឃុំ ស្រុក បានចុះ ប្រជុំផ្សព្វផ្សាយ ៣លើកមកហើយ ហើយអ្វីដែលលោកធ្វើនោះគឺគោរពទៅតាមគោលការទិញលក់ ទៅតាមច្បាប់ តែបើដឹងច្បាស់ឲ្យសួរទៅអាជ្ញាធរ ។
តាមប្រភពច្បាស់ការណ៍បានខ្សិបប្រាប់ថាមានភាពមិនប្រក្រតី មួយចំនួនពាក់ព័ន្ធអ្នករៀបចំដី២នាក់រត់ទៅជួប ឯកឧត្តម ស៊ីវ សុរ៉ាពេជ ដើម្បីឲ្យ ចុះមកអន្ដរគមន៍ ។ ចំណែក លោក ថន ពុទ្ធា អភិបាលរងស្រុក កំពង់ស្វាយប្រាប់ក្នុងកិច្ចសម្ភាសថា លោកទើបតែមកកាន់ការងារនេះ មិនបានដឹងរឿងនេះទេ តែលោកកំពុងសម្របសម្រួលការងារនេះ តែបើតាម លោកដឹង ខាងក្រុមហ៊ុន ក៏ពុំមាន ឯកសារណាច្បាស់លាស់នៅឡើយទេ ។
លោក អ៊ឺម សុឌឺណា ប្រធាន សោយោដីខេត្តកំពង់ធំបានបញ្ជាក់យ៉ាងច្បាស់ថា នៅក្នងតំបន់នោះ ជាពិសេស ឃុំនីពេជ ពុំទាន់មានការវាស់វែង ចុះបញ្ចី ឬចេញប្លង់កម្មសិទ្ធិនៅឡើយ ៕ ប៊ុន រិទ្ធី
