រថយន្តដឹកខ្សាច់រេចង្កូតក្រឡាប់បង្កការភ្ញាក់ផ្អើល

ខេត្តព្រះសីហនុ៖ ប្រភពពីសមត្តកិច្ច មូលដ្ឋានបានអោយដឹងថា នៅថ្ងៃពុធ ៧កើត ខែផល្គុន ឆ្នាំរកា នព្វស័ក ព.ស. ២០១៦ ត្រូវនឹងថ្ងៃទី២១ ខែកុម្ភៈ ឆ្នាំ២០១៨ វេលាម៉ោង១និង៣០នាទីរសៀល មានករណីគ្រោះថ្នាក់ចរាចរណ៍មួយកើតឡើងលើផ្លូវជាតិលេខ៤ចន្លោះ គីឡូម៉ែត្រ១៦៧-១៦៨ ស្ថិតនៅភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ។

ប្រភពដដែលបានបន្តថា រថយន្តខាងលើនេះ ម៉ាកហុីយ៉ាន់ដាយ ៥តោន ដឹកខ្សាច់ ពណ៌ ផ្ទៃមេឃ ស្លាក់លេខ កំពង់ស្ពឺ៣A០៩៣០ ទិសដៅពីភ្នំពេញ ទៅខេត្តព្រះសីហនុអ្នកបើកបរឈ្មោះ ស៊ូយ សោភា ភេទប្រុស អាយុ៣១ មុខរបរបើកបរគ្មានរងរបួសមានទីលំនៅ ភូមិ រងៀង ឃុំស្គុះ ស្រុកសំរោងទង ខេត្តកំពង់ស្ពឺ មកដល់ចំណុចកើតហេតុរថយន្តបានរេចង្កូតឆ្លាក់កាវថ្នល់បណា្តលអោយក្រឡាប់នៅលើថ្នល់ជាតិតែម្តង។

រថយន្តត្រូវបានកម្លាំងកងរាជអាវុធហត្ថស្នាក់ការ៤០១ សហការជាមួយកម្លាំងជំនាញចរាចរស្រុកចាត់ចែងតាមផ្លូវច្បាប់ ៕ ឆ្លាម សមុទ្រ