សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ប្រភពព័ត៌មានពីមន្ត្រីនគរបាល ខេត្តព្រះសីហនុ បានឲ្យដឹងថាៈ នៅថ្ងៃសុក្រ ៨រោច ខែផល្គុន ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៩ ខែមីនា ឆ្នាំ២០១៨ វេលាម៉ោង ១០និង២០នាទីព្រឹក លើផ្លូវជាតិលេខ៤ ចន្លោះគីឡូម៉ែត្រ ២០២-២០៣ ស្ថិតនៅក្នុងភូមិអូរតាសេក ឃុំអូរឧកញ្ញ៉ាហេង ស្រុកព្រៃនប់ ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រវាងរថយន្ត១គ្រឿង ពណ៌ក្រហម គ្មានស្លាកលេខ សណ្តោងរឺម៉កដឹកស៊ីទែនស៊ីម៉ងត៍ ដែលមានទិសដៅពីភ្នំពេញ ឆ្ពោះមក ខេត្តព្រះសីហនុ លុះដល់ចំណុចខាងលើ បានបុកម៉ូតូ ១គ្រឿងម៉ាក HONDA C125 ពណ៌ ខ្មៅស្លាក លេខ ភ្នំពេញ 1AB-4498 ជិះគ្នា២នាក់ បន្ទាប់មកក៏ជ្រុលចង្កូតចូលទៅបុករថយន្តកែឆ្នៃ១គ្រឿងទៀត ដឹកដើមកាស្យា កំពុងឈប់ចាក់ទឹក នឹងត្រូវចំស្ត្រីម្នាក់ទៀត កំពុងចាក់ទឹករថយន្តឈ្មោះ ជ្រិច អាយុជាង៤០ឆ្នាំ មានទីលំនៅ ភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ បណ្ដាលឲ្យស្លាប់។
អ្នកបើកបររួមដំណើរលើរថយន្តកែឆ្នៃ និងរងរបួសធ្ងន់មនុស្សចំនួន២នាក់អ្នកបើកបរម៉ូតូ និងអ្នករួមដំណើរលើម៉ូតូ ។
អ្នកបើករថយន្តក្រឡុក ស៊ីម៉ងត៍ រត់គេចខ្លួនបាត់ក្រោយពេលកើតហេតុ។
រថយន្ត ចំនួន២គ្រឿង និង ម៉ូតូ បានយកមករក្សាទុកនៅអធិការដ្ឋាននគរបាលស្រុកព្រៃនប់រង់ចាំដោះស្រាយនៅនៅពេលក្រោយ ៕ ឆ្លាម សមុទ្រ
