សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមប្រតិបតិ្ដការចល័តរដ្ឋបាលព្រៃឈើ និងកងកម្លាំងរាជអាវុធហត្ថ និងមានការចូលរួមពីអាជ្ញាធរមូលដ្ឋានបានចុះឆែកឆេរផ្ទះ២ល្វែង ក្នុងបុរីពិភពថ្មីមុខផ្សារដីហុយរកឃើញស្បែក និងឆ្អឹងសត្វព្រៃមានតម្លៃជាច្រើនគីឡូក្រាមឃាត់ខ្លួនមនុស្ស២នាក់យកទៅសាកសួ។
ប្រតិបត្តិការនេះធ្វើឡើងកាលពីព្រឹកថ្ងៃព្រហស្បតិ៍១១រោច ខែពិសាខ ឆ្នាំច សំរឹទ្ធិស័ក ព.ស២៥៦២ ត្រូវ និងថ្ងៃទី១០ ខែឧសភា ឆ្នាំ២០១៨ ស្ថិតក្នុងភូមិគោកឃ្លាង សង្កាត់គោកឃ្លាង ខណ្ឌសែនសុខរាជធានីភ្នំពេញ។
ប្រតិបត្តិការនេះដឹកនាំដោយព្រះរាជអាជ្ញ ខាំ សុផារី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ និង ក្រុមប្រតិបតិ្ដការចល័តរដ្ឋបាលព្រៃឈើ កម្លាំងកងរាជអាវុធហត្ថ សហការជាមួយអាជ្ញាធរមូលដ្ឋានខណ្ឌសែនសុខ ផងដែ។
ប្រភពពីសមត្ថកិច្ចមូលដ្ឋានបានឲ្យថា ជាលទ្ធផលក្នុងការចុះឆែកឆេរ ផ្ទះ២ល្វែងនេះ កម្លាំងសមត្ថកិច្ច បានរកឃើញសំណល់ស្បែកខ្លា, ឆ្អឹងខ្លា, កន្ទុយខ្លា, ភ្លុកដំរី និងកម្ទេចកម្ទីសត្វព្រៃ មានតម្លៃជាច្រើនប្រភេទ ជាទាំងអស់ ជាច្រើនគីឡូក្រាម។
កម្លាំងសមត្ថកិច្ច ក៏បានឃាត់ខ្លួនជនសង្ស័យចំនួន២នាក់ ដែលជាម្ចាស់ផ្ទះល្វែងទាំង២ទីតាំង យកទៅសួរនាំ ដកហូតម៉ូតូមួយគ្រឿង និងបានបិទទ្វារផ្ទះទាំង២ខាងលើនេះ ជាបណ្ដោះអាសន្នផងដែរ។
ដោយឡែកសម្រាប់សម្ភារវត្ថុតាង ដែលកម្លាំងសមត្ថកិច្ច ធ្វើការដកហូត ត្រូវបានយកទៅឲ្យអង្គភាពប្រតិបត្តិការ អន្ដរាគមន៍បង្ក្រាបបទល្មើស ព្រៃឈើចល័ត ជាអ្នករក្សាទុក រង់ចាំចំណាត់ការទៀត៕ តុង សីហា
