សារព័ត៌មាន នគរវត្ត តែងតែនាំមុខគេជានិច្ច
ខេត្តរតនៈគិរី៖ លោក ណាសៀត អូស្មាន ប្រធានសមាគមសម្ព័ន្ធយុវជនមុស្លិមកម្ពុជាបានដឹកនាំក្រុមគ្រូពេទ្យស្ម័គ្ររចិត្ត របស់គណកម្មកាសុខាភិបាល នៃសមាគមនសម្ព័ន្ធយុវជនមុស្លិមកម្ពុជា ចុះពិនិត្យ និងព្យាបាលជំងឺដោយឥតគិតថ្លៃជូនប្រជាពលរដ្ឋទីទាល់ក្រីក្រ ៨០០នាក់ នៅភូមិសោមគល់ ឃុំសោមធំ ស្រុកអូយ៉ាដា ខេត្តរតនៈគិរី ។ ដើម្បីឆ្លើយតបតាមតម្រូវការ និងសំណូមពររបស់បងប្អូនប្រជាពលរដ្ឋ តាមការស្នើសុំ កន្លងមក ។
ពិធីនេះបានប្រព្រឹត្តទៅរយៈ ពេល ២ថ្ងៃចាប់ពីថ្ងៃទី១៤ ដល់ ១៥ ខែឧសភា ឆ្នាំ២០១៨ ដោយមាន ប្រជាពលរដ្ឋ ទីទាល់ក្រីក្រ ចូលមកពិនិត្យ និងព្យាបាលជំងឺឥតគិតថ្លៃទាំងអស់ចំនួន ៨០០នាក់ ហើយក្រុមគ្រូពទ្យស្ម័គ្រ ចិត្តដែលចុះមកជួយពិនិត្យ និងព្យាបាលជំងឺនាពេលនេះ ដឹកនាំដោយ លោក វេជ្ជបណ្ឌិត កូប រ៉ូលី ជាប្រធានគណៈ កម្មការសុខាភិបាល និងអនុប្រធានសមាគមសម្ព័ន្ធយុវជនមុស្លិមកម្ពុជា និងលោក ណាសៀត អូស្មាន តំណាងដ៏ខ្ពង់ខ្ពស់ លោកអូស្មាន ហាស្សាន់ រដ្ឋមន្ដ្រីប្រតិភូអមនាយករដ្ឋមន្ដ្រី ។
ក្នុងឱកាសនោះដែរ លោក ណាសៀត អូស្មាន ក៏បានអញ្ជើញសាកសួរសុខទុក្ខ លោកគ្រូ សុះ យ៉ា ដែលកំពុងមានជំងឺ និងសម្រាកព្យាបាល នៅផ្ទះរបស់លោកផ្ទាល់ ស្ថិតនៅភូមិសោមគល់ ឃុំសោមធំ ស្រុកអូយ៉ាដាវ ខេត្តរតនគិរី ហើយនៅខណៈនោះ លោក ប្រធានសម្ព័ន្ធយុវជនមុស្លិមកម្ពុជា បានឧបត្ថម្តទឹកប្រាក់ចំនួន ៥០មុឺនរៀល ដលគ្រួសារអ្នកជំងឺព្រមទាំងបានឧបត្ថម្តដល់ សមាជិក សមាជិកា CMYA ចំនួន១៧ នាក់ ក្នុងម្នាក់ៗ ទទួលបាន២ម៉ឺនរៀលផងដែរ។
លោក ណាសៀត អូស្មាន បានបញ្ជាក់ថា៖ ក្នុងនាមតំណាង ថ្នាក់ដឹកនាំយើងខ្ញុំសូមពាំនាំ ការផ្ដាំផ្ញើការសាកសួរសុខទុក្ខ ពីសម្ដេចអគ្គមហាសេនាបតីតេជោហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ។
ដោយសម្ដេចបានដឹកនាំប្រទេសទទួលបានជោគជ័យលើគោលនយោបាយដឹកនាំដ៏ត្រឹមត្រូវរបស់រាជរដ្ឋាភិបាលកម្ពុជា ដែលរក្សាបាននូវស្ថេរភាព សន្តិភាព ការធ្វើសុខដុមនីយកម្ម ដោយជោគជ័យអស់រយៈពេលជិត៤០ ឆ្នាំ មកនេះ កម្ពុជា
ទទួលបានការចាប់អារម្មណ៏ពីសំណាក់អន្ដរជាតិ ពីការអភិវឌ្ឍប្រទេសជាតិ យ៉ាងលឿន គឺបានផ្តោតសំខាន់បំផុតទៅលើគោលនយោបាយសុខដុមបនីយកម្មនេះជាចម្បង ព្រោះវាជាកត្តានាំមុខមួយ ដែលញ៉ាំងអោយកម្ពុជា ដែលមានអ្នកគោរពសាសនាផ្សេងៗ ចាន់ដៃគ្នា បានឈានដល់កម្រិតអភិវឌ្ឍន៍ ការរីកចម្រើន និងត្រូវបានឆាកអន្តរជាតិទទួលស្គាល់ និងកោតសរ សើរដល់កម្ពុជា ប្រកបដោយសុខសន្ដិភាព ៕ សំរិត
