បុរសម្នាក់ផឹកស្រាស្រវឹងចុះបង់សំណាញ់លង់ទឹកស្លាប់

ខេត្តកំពង់ធំ ៖ កាលពីល្ងាចថ្ងៃព្រហស្បតិ៍ ២រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨ វេលាម៉ោង១៥និង ៣០នាទី មានករណីបុរសម្នាកស្រវឹងស្រាចុះបង់សំណាញ់បណ្តាលឲ្យលង់ទឹកស្លាប់ ស្ថិតនៅភូមិសុជុល ឃុំផាន់ញើម ស្រុកប្រាសាទបល្ល័ង្គ ខេត្តកំពង់ធំ ។

ជនរងគ្រោះឈ្មោះ យ៉ា យ៉ាត់ ភេទប្រុស អាយុ ៣២ឆ្នាំរស់នៅ ភូមិ ឃុំកើតហេតុខាងលើ ។

មូលហេតុ ជនរងគ្រោះស្រវឹងស្រាចុះបង់សំណាញ់បណ្តាលឲ្យលង់ស្លាប់តែម្តង ។

ក្រោយកើតហេតុសមត្ថកិច្ចចុះធ្វើកុសល្យវិច័យ រួចសន្និដ្ឋានថា ជនរងគ្រោះ ពិតជាស្លាប់ដោយសារលង់ទឹកពិតមែន រួចប្រគល់សាកសពឲ្យសាច់ញាតិក្រុមគ្រួសារចាត់ចែងធ្វើបុណ្យតាមប្រពៃណី ៕ ប៊ុន រិទ្ធី