ប្រទះឃើញសពអណ្ដែតទឹកនៅស្ពានទឹកវិល

ខេត្តស្វាយរៀង៖ សាកសពបុរសម្នាក់ត្រូវបានគេប្រទះឃើញ នៅចំណុចក្បាលស្ពានទឹកវិល ភូមិកំពង់ត្រាច ឃុំកំពង់ត្រាច ស្រុករមាសហែក ខេត្តស្វាយរៀងកាលពីវេលាម៉ោង១១និង៤៥នាទីព្រឹកថ្ងៃអង្គារ ១៣រោច ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែកក្កដា ឆ្នាំ២០១៨ ។

សមត្ថកិច្ចថា ជនរងគ្រោះឈ្មោះ ចាន់ ធឿន ភេទប្រុស អាយុ ២៥ ឆ្នាំ មុខរបរកសិករ រស់នៅភូមិកំពង់ត្រាច ឃុំកំពង់ត្រាច ស្រុករមាសហែក ខេត្តស្វាយរៀង ។

អ្នកភូមិថាបុរសខាងលើមានជំងឺសសៃប្រសាទយូរឆ្នាំមកហើយ ដោយព្យបាលមិនធូរស្រាល ហើយក្រុមគ្រួសារចេះតែបណ្ដែតបណ្ដោយទុកតាមយថាកម្ម ។

សមត្ថកិច្ចជំនាញធ្វើកោលស្យវិច័យលើសាកសពជនរងគ្រោះមិនឃើញស្លាកស្នាមសម្គាល់ថាជាករណីឃាតកម្មអ្វីឡើយ គឺពិតជាលង់ទឹកប្រាកដមែន និងបានប្រគល់ជូនក្រុមគ្រួសារធ្វើបុណ្យតាមប្រពៃណី ៕ យឹម សុថាន