សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សពបុរសម្នាក់ត្រូវគេប្រទះឃើញដេកស្លាប់នៅចិញ្ចើមផ្លូវសង្ស័យកខ្យល់គរ(គាំងបេះដូង)។
ហេតុការណ៍នេះភ្ញាក់ផ្អើលនៅវេលាម៉ោង៨និង០០នាទីព្រឹក ថ្ងៃសៅរ៍ ២កើត ខែទុតិយាសាឍ ឆ្នាំច សំរិទ្ធិស័ក ព.ស. ២៥៦២ ត្រូវនឹងថ្ងៃទី១៤ ខែកក្កដា ឆ្នាំ២០១៨ នៅចំណុច ផ្លូវ ឌួងងៀប៣ ភូមិ ទ្រង់មាន់ សង្កាត់ អូរបែកក្អម ខណ្ឌសែនសុខ។
សពបុរសខាងលើ ឈ្មោះ តឿ ភេទ ប្រុស អាយុប្រហែល ៣២ឆ្នាំ មុខរបរ រេីសអេតចាយ ស្នាក់នៅ ចិញ្ចើមផ្លូវ កន្លែងកេីតហេតុខាងលើ ។
ប្រជាពលរដ្ឋ ប្រាប់ថា ជនរងគ្រោះតែងតែផឹកស្រាថ្នាំជាប្រចាំ លុះដល់ថ្ងៃកើតហេតុ ប្រជាពលរដ្ឋដែលស្នាក់នៅ ក្បែរនោះ បានទៅដាស់ ជនរងគ្រោះ ស្រាប់តែស្លាប់បាត់ទៅហើយ បង្ករអោយមានការភ្ញាក់ផ្អើល ក្រោយមកប្រជាពលរដ្ឋបានរាយការណ៍មកសមត្ថកិច្ច ដេីម្បីចុះទៅកន្លែងកេីតហេតុ ធ្វើ កោសល្យវិច័យ ហើយសន្និដ្ឋានថា ជនរងគ្រោះស្លាប់ ដោយសារ ខ្យល់គរ(គាំងបេះដូងស្លាប់) ។
បច្ចុប្បន្នសព យកទៅតម្កល់នៅវត្តទឹកថ្លារង់ចាំសាច់ញាតិ ធ្វើបុណ្យតាមប្រពៃណី៕ តុង សីហា
